Կոչ եմ անում բոլորիդ համախմբվել՝ դավաճան վարչապետի հրաժարականի պահանջով. Հովհաննես Պողոսյան

Մարզաշխարհի հարգելի՛ ներկայացուցիչներ, մեր հայրենիքն ապրում է իր պատմության դաժանագույն ու ողբերգական ժամանակաշրջանը։ Պատմության ընթացքում հերթական անգամ վտանգվում է մեր գոյությունը։ Դավաճան իշխանությունները՝ ազգադավ վարչապետի գլխավորությամբ, մեր ժողովրդին հանձնել են բախտի քմահաճույքին։ Ամեն հաջորդ օրը մեզ մատուցում է պետականակործան և ողբերգական նոր անակնկալներ։

Պահի հրամայականն է դարձել վայրկյան առաջ ձերբազատվել այս ապիկար և ազգադավ իշխանություններից՝ հանուն մեր ազգի և պետության փրկության։ Լինելով մարզաշխարհի ներկայացուցիչ՝ կոչ եմ անում բոլորիդ համախմբվել հանուն մեր ազգի, մեր պետության, մեր ինքնիշխանության փրկության՝ դավաճան վարչապետի հրաժարականի պահանջով։ Չէ՞ որ մենք միշտ բարձր ենք պահել մեր ազգի և մեր հայրենիքի պատիվն ու արժանապատվությունը։ Կեցցե Հայաստանի Հանրապետությունը, փառք մեր բանակին, հավերժ փառք մեր հերոս նահատակներին։

Հովհաննես Պողոսյան- սպորտի վարպետ, Երևանի Արարատի և ԽՍՀՄ հավաքականի նախկին ֆուտբոլիստ