ԼԺՀ-ն հայտարարել է Դոնբասից Ղարաբաղ ուկրաինացի ուժայինների արտահոսքի մասին
Ինքնահռչակ Լուգանսկի Ժողովրդական Հանրապետության Ժողովրդական միլիցիայի վարչության ղեկավար Յան Լեշչենկոն ճեպազրույցում ասել է, որ ԼԺՀ-ի պաշտպանական գերատեսչությունը տեղեկություններ ունի Դոնբասում համատեղ ուժերի գործողության գոտուց ուկրաինացի ուժայինների` ղարաբաղյան հակամարտության գոտի արտահոսքի մասին, հայտնում է «ՌԻԱ Նովոստի»-ն:
«Զինյալների` ռազմական բախումների գոտիներ տեղափոխումը կազմակերպող արմատական շարժումների ակտիվացումը մուսուլման զինվորականների լուրջ արտահոսքի է հանգեցրել ուկրաինական բանակից: Միայն հոկտեմբերին ավելի քան 700 զինծառայող է ազատվել Ուկրաինայի զինված ուժերի շարքերից»,- հայտարարել է Լեշչենկոն:
Նա պարզաբանել է, որ ավելի վաղ Ժողովրդական միլիցիան բազմիցս հայտնել էր մի շարք ահաբեկչական խմբավորումներից զինյալների` երկիր ժամանելու մասին` «Ուկրաինայի զինված ուժերի զինվորականների պատրաստման եւ գաղափարական նախապատրաստման» եւ հետագայում նրանց ռազմական բախումների գոտիներ տեղափոխելու համար:
«Այդպես, նոյեմբերի 10-ին ՈւԱԾ-ի սպաների կողմից 80 հոգանոց բրիգադից (Ուկրաինայի զինված ուժերի) մի խումբ թաթար զինծառայողներ են բերման ենթարկվել` թվով ութ մարդ, ովքեր ինքնակամ լքել են զորամասը եւ պատահական ավտոմեքենաներով փորձել են հասնել Օդեսա, որտեղ նրանց պետք է տեղափոխեին Ադրբեջան` հետագայում Լեռնային Ղարաբաղի հակամարտության գոտի մեկնելու համար»,- հավելել է հանրապետության Ժողովրդական միլիցիայի վարչության պետը:
Ավելի վաղ Ռուսաստանի Դաշնության Արտաքին հետախուզության ծառայության ղեկավարը հայտնել էր, որ, ԼԺՀ-ի տրամադրության տակ եղած տեղեկատվության համաձայն, Մերձավոր Արեւելքում կռվող միջազգային ահաբեկչական կազմակերպությունների վարձկաններն ակտիվորեն տեղափոխվում են Ղարաբաղի հակամարտության գոտի, ընդ որում, խոսքը հարյուրավոր կամ նույնիսկ հազարավոր արմատականների մասին է: ՌԴ նախագահի մամուլի քարտուղար Դմիտրի Պեսկովը հայտարարել էր, որ զինյալների ներկայությունը Ղարաբաղում թեժ հակամարտության գոտում մեծ վտանգ է ներկայացնում եւ Մոսկվայի խորը անհանգստության պատճառ է հանդիսանում:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները