Կրեմլում նշել են պայմանները, որոնց դեպքում խաղապահներ կտեղակայվեն Արցախում
Կրեմլը շեշտում է, որ Ղարաբաղում խաղաղապահ ուժեր կարող են տեղակայվել միայն հակամարտության երկու կողմերի համաձայնությամբ, ասել է ՌԴ նախագահի մամուլի քարտուղար Դմիտրի Պեսկովը:
Ավելի վաղ ՀՀ վարչապետ Նիկոլ Փաշինյանը հայտարարել էր, որ ղարաբաղյան հակամարտության գոտում ռուս խաղաղապահների տեղակայումը կարող է ելք լինել ստեղծված իրավիճակից դուրս գալու համար, և ԱՄՆ-ին և Ֆրանսիային կոչ էր արել աջակցել Արցախում Ռուսաստանի խաղաղարար ջանքերին:
«Մենք արդեն բազմիցս պատասխանել ենք նմանատիպ հարցերի: Ցանկացած խաղաղապահ ուժ բերվում է հակամարտության գոտի միայն երկու կողմերի համաձայնությամբ», - ասել է Պեսկովը ՝ պատասխանելով այն հարցին, թե ինչպես է Կրեմլը գնահատում այն փաստը, որ Փաշինյանը կողմ է արտահայտվել ռուս խաղաղապահներին հակամարտության գոտի մտցնելուն:
Պատասխանելով հստակեցնող դիտողությանը, որ ադրբեջանական կողմից դեռ համաձայնություն չկա, և այն հարցին, թե Կրեմլի դիրքորոշումը նույնն է մնում, որ Ռուսաստանը պատրաստ է խաղաղապահներ մտցնել, եթե հակամարտության երկու կողմերն էլ համաձայնվեն, Պեսկովը նշել է. «Ես չէի սկսի տրամաբանել, կսահմանափակվեի միայն արդեն ասվածով»: