Պոմպեոն հեռախոսազրույցներ է ունեցել Փաշինյանի եւ Ալիեւի հետ
ԱՄՆ պետքարտուղար Մայք Պոմպեոն Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ ունեցած հեռախոսազրույցներում քննարկել է Ղարաբաղում տիրող իրավիճակը և կոչ է արել կատարել հրադադարի պարտավորությունները, երեքշաբթի ասել է Պետդեպարտամենտի պաշտոնական ներկայացուցիչ Մորգան Օրտագուսը:
«Պետքարտուղար Մայքլ Պոմպեոն առանձին խոսել է Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ: Պետքարտուղար Պոմպեոն առաջնորդներին հորդորել է պահպանել իրենց պարտավորությունները բռնությունները դադարեցնելու վերաբերյալ և ԵԱՀԿ Մինսկի խմբի համանախագահների աջակցությամբ փնտրել Լեռնային Ղարաբաղի հակամարտության դիվանագիտական լուծումը, ինչպես նաև նշել է, որ հակամարտությունը ռազմական լուծում չունի»,- ասել է նա: