ՄԱԿ-ի Անվտանգության խորհուրդը քննարկել է Լեռնային Ղարաբաղում հրադադարի ռեժիմի վերահսկողության հարցը
ՄԱԿ-ի Անվտանգության խորհուրդը քննարկել է Լեռնային Ղարաբաղում հրադադարի ռեժիմի պահպանման նկատմամբ վերահսկողության անհրաժեշտությունը: ТАСС գործակալության հաղորդմամբ այս մասին երկուշաբթի՝ Լեռնային Ղարաբաղի հարցով փակ նիստից հետո լրագրողների հետ զրույցում հայտարարել է հոկտեմբերին Խորհրդում նախագահող ՄԱԿ-ում Ռուսաստանի մշտական ներկայացուցիչ Վասիլիյ Նեբեզնյան:
«Այժմ անհրաժեշտ է ապահովել կատարումը (հրադադարի -խմբ.), դա ամենաառաջնային հարցն է, քանի որ նման պայմանավորվածություն է ձեռք բերվել, բայց չի պահպանվել»,- նշել է նա:
Գլխավոր հարցն այն է, թե ինչպես պետք է կատարման նկատմամբ վերահսկողություն ապահովել:
«Այս հարցն, իհարկե, քննարկվել է խորհրդակցությունների ընթացքում, եւ Խորհուրդը բավականին միակարծիք էր մոտեցումների հարցում»,- ասել է ներկայացուցիչը: Միեւնույն ժամանակ նա բացատրեց, որ տարածաշրջան ՄԱԿ-ի մշտադիտարկում իրականացնող պատվիրակություն ուղարկելու համար «Անվտանգության խորհրդի հատուկ մանդատ անհրաժեշտ կլիներ»: «Դա արագ գործընթաց չէ»,- նշել է դիվանագետը: «Հաղորդագրություններ են եղել այն մասին, որ Ռուսաստանի Պաշտպանության նախարարը Հայաստանի եւ Ադրբեջանի կոլեգաների հետ քննարկել է, թե ինչպես կարելի է իրականացնել այդ վերահսկողությունը»,- նշել է Նեբեզյան:
Դիվանագետը չի բացառել, որ մշտադիտարկմամբ կարող է զբաղվել ԵԱՀԿ պատվիրակությունը, առավել եւս, որ այս կառույցն է իրականացնում կարգավորման գործընթացը: «Թե ով կլինի այնտեղ եւ ինչ կարգավիճակում, դեռ մնում է քննարկվող հարցերից մեկը»,- ավելացրել է նա:
Վթարային ջրանջատում Երևանի Էրեբունի վարչական շրջանում
65+ տարիքային սահմանափակումը վերացվեց, մեր հազարավոր քաղաքացիներ կկարողանան շարունակել իրենց աշխատան...
«Զովետի» ՍՊ-ում հայտնաբերվել է վտանգավոր կաթնամթերք, արտադրությունը կասեցվել է
ՀՌՀ-ն և ԵԽ-ն համատեղ աշխատաժողով անցկացրեցին տեսալսողական մեդիածառայություն մատուցողների համար
ՀՀ ԱԺ ութերորդ գումարման տասնմեկերորդ նստաշրջանի հերթական նիստ
ՀՀ տարածքում ավտոճանապարհները հիմնականում անցանելի են
Երևանում և Արմավիրի մարզում լցակայանների և ավտոտեխսպասարկման կետի գործունեություն է դադարեցվել
Համբերատար սպասում եմ, մինչեւ ԵՄ-ն կատարի պատմական առեւտրային համաձայնագրով նախատեսված իր մասը
Տավուշի մարզում անցկացվել են հատուկ տակտիկական ուսումնավարժություններ
Հայաստանում այսօրվանից մեկնարկել է խորհրդարանական ընտրությունների քարոզարշավը