Washington Examiner. Էրդողանը պետք է պատժվի
Կրկին նավ ուղարկելով Հունաստանի բացառիկ տնտեսական գոտի՝ Թուրքիայի նախագահ Ռեջեփ Էրդողանն ապացուցել է, որ անհրաժեշտ է պատժամիջոցներ կիրառել նրա դեմ, գրում է Washington Examiner-ը.
«Բացարձակ ակնհայտ է, որ Էրդողանն իր գործողություններով Եվրամիությանը ստիպում է պատժամիջոցներ սահմանել: Թուրքիան կրկին Oruc Reis հետախուզական նավն ուղարկել է Միջերկրական ծովի վիճելի տարածք: Խոստովանելով, որ Թուրքիայի գործողություններն անհամատեղելի են Հունաստանի ինքնիշխան իրավունքների հետ՝ Եվրամիությունը սպառնացել է պաատժամիջոցներ սահմանել: Սակայն այդ նոր քայլը ցույց է տալիս, որ Էրդողանը որոշել է կրկնապատկել էսկալացիան:
Էրդողանը հավատում է, որ նա կարող է ապօրինաբար խափանել եվրոպական անվտանգությունը: Ինչպես հայ-ադրբեջանական հակամարտության նկատմամբ իր քաղաքականության դեպքում, Էրդողանը Հունաստանի հետ կոնֆլիկտը դիտարկում է որպես իր շահերն առաջ տանելու միջոց:
Թուրք ազգայնականների կողմից ատելի Հունաստանը եզակի հնարավորություն է Էրդողանի համար: Նա, կարծես, օգտագործել է այդ ճգնաժամի դիվանագիտական բանաձեւի հավակնությունը, որպեսզի Հունաստանն ու ԵՄ-ն հայտնվեն հուսահատ փոխզիջման պատրաստ եւ փոխադարձաբար թույլ:
Էրդողանին չպետք է թույլ տրվի հաջողության հասնել այդ գամբիտում:
Թույլ տալ, որպեսզի նրա կայսերական գամբիտը հաջողության հասնի, կնշանակի ընդունել, որ եվրոպական տարածքային անձեռնմխելիությունն այլեւս նշանակություն չունի: Այդ սրբազան սկզբունքը պահպանելու համար տեղի ունեցավ երկու սարսափելի պատերազմ եւ սառը պատերազմ: Եվ սկզբունքը պետք է պահպանել:
Ի վերջո, քարտեզի վրա դրված է շատ ավելին, քան Էրդողանի ապակայունացնող գործունեությունն է: Եթե նրան թույլ տրվի անվերահսկելիորեն գործել՝ Արեւմուտքը նոր ագրեսիա կսադրի ոչ միայն Էրդողանի, այլ նաեւ Վլադիմիր Պուտինի կողմից: Այստեղ հարկ է նշել, որ Պուտինը Միջերկրական ծովում իրավիճակը դիտարկում է որպես ՆԱՏՕ-ի հարավային թեւը վնասելու միջոց:
Իր հերթին, Եվրամիություն այժմ պետք է օպերատիվորեն պատժամիջոցներ կիրառի Էրդողանի նկատմամբ: ԵՄ-ն պետք է ստանա բացահայտ ամերիկյան աջակցություն: Մինչ ԱՄՆ-ը ռազմավարական կարեւոր շահ ունի Թուրքիայի հետ իր դաշինքը պահպանելու հարցում, դա չի կարող լինել եվրոպական անվտանգության հաշվին: Դա չի կարող լինել նաեւ ամերիկյան մեկ այլ դաշնակցի՝ Հունաստանին զոհաբերելու գնով: Անկասկած, ԱՄՆ-ը եւ ԵՄ-ն զգալի տարաձայնություններ ունեն: Սակայն ինչպես Չինաստանի եւ Հարավչինական ծովի դեպքում, այնպես էլ Միջերկրական ծովի ծովային կայունությունը պետք է պահպանվի:
Էրդողանը պետք է պատժվի»:
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Եվրամիությունը չի հասկանում Իրանում պատերազմի նպատակները. Կալաս
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Մադելին Շարաֆյանը «Օսկար»-ի մրցանակաբաշխությանը ներկայացել է հայ դիզայների զգեստով