Անհրաժեշտ է անհապաղ հանդիպել զինվորականների մասով եւ համաձայնեցնել հրադադարի վերահսկման մեխանիզմը․ Լավրով
Մեր գլխավոր ուղերձն այն է, որ, այնուամենայնիվ, անհրաժեշտ է անհապաղ հանդիպել զինվորականների մասով եւ համաձայնեցնել հրադադարի վերահսկման այն նույն մեխանիզմը, որի մասին նշված է ԵԱՀԿ ՄԽ փաստաթղթում, որը դեռեւս ոչ ոք անգամ չի սկսել քննարկել։ Այս մասին ռուսական լրատվամիջոցների հետ հարցազրույցում ասել է ՌԴ ԱԳ նախարար Սերգեյ Լավրովը։
Նա հայտնել է, որ հոկտեմբերի 14-ին Ադրբեջանի ԱԳ նախարար Ջեյհուն Բայրամովի հետ հեռախոսային զրույցում հաստատել է Ղարաբաղում հակամարտության կողմերին Ռուսաստանի ուղերձը զինվորականների մասով հրադադարի վերահսկման անհապաղ համաձայնեցման անհրաժեշտության մասին։
«Մեր հիմնական ուղերձն այն է, որ, այնուամենայնիվ, անհրաժեշտ է անհապաղ հանդիպել զինվորականների մասով եւ համաձայնեցնել հրադադարի ռեժիմի վերահսկման հենց այն մեխանիզմը, որի մասին խոսվում է մեր փաստաթղթում, որը դեռ ոչ ոք նույնիսկ չի սկսել քննարկել,- ասաց Լավրովը:- Համապատասխան ազդակները ես վերահաստատեցի ուղիղ կես ժամ առաջ, երբ ինձ զանգահարել էր Ադրբեջանի արտգործնախարարը: Նույն ազդանշանը մենք ուղղում ենք մեր հայ գործընկերներին: Կարծում եմ, որ սա հիմա կայուն հրադադարի բանալին է, ինչից տուժում են քաղաքացիական օբյեկտները, խաղաղ բնակիչները»:
Ռուսաստանի Դաշնությունը չի բացառում, որ ռուս ռազմական դիտորդները կարող են ընդգրկվել Լեռնային Ղարաբաղում հրադադարի ռեժիմի վերահսկման մեխանիզմում: «Հիմա նույնիսկ ոչ թե խաղաղապահները [պետք է մասնակցեն վերիֆիկացման մեխանիզմին], այլ ռազմական դիտորդները, նրանց թիվը բավական կլիներ: Մենք կարծում ենք, որ միանգամայն ճիշտ կլիներ, եթե նրանք լինեին մեր ռազմական դիտորդները, սակայն վերջին խոսքը պետք է կողմերինը լինի: Իհարկե, մենք ելնում ենք նրանից, որ ինչպես Երեւանում, այնպես էլ Բաքվում հաշվի կառնվեն մեր դաշնակցային հարաբերությունները, ռազմավարական գործընկերության հարաբերությունները»,- ասաց նախարարը:
Նրա խոսքով` հրադադարի ռեժիմի պահպանման վերահսկման մեխանիզմը պետք է սկսի աշխատել Հայաստանի եւ Ադրբեջանի ուժերի իրական շփման գծում Լեռնային Ղարաբաղում:
Վթարային ջրանջատում Երևանի Էրեբունի վարչական շրջանում
65+ տարիքային սահմանափակումը վերացվեց, մեր հազարավոր քաղաքացիներ կկարողանան շարունակել իրենց աշխատան...
«Զովետի» ՍՊ-ում հայտնաբերվել է վտանգավոր կաթնամթերք, արտադրությունը կասեցվել է
ՀՌՀ-ն և ԵԽ-ն համատեղ աշխատաժողով անցկացրեցին տեսալսողական մեդիածառայություն մատուցողների համար
Երևանում և Արմավիրի մարզում լցակայանների և ավտոտեխսպասարկման կետի գործունեություն է դադարեցվել
ՀՀ տարածքում ավտոճանապարհները հիմնականում անցանելի են
ՀՀ ԱԺ ութերորդ գումարման տասնմեկերորդ նստաշրջանի հերթական նիստ
Տավուշի մարզում անցկացվել են հատուկ տակտիկական ուսումնավարժություններ
Համբերատար սպասում եմ, մինչեւ ԵՄ-ն կատարի պատմական առեւտրային համաձայնագրով նախատեսված իր մասը
Հայաստանում այսօրվանից մեկնարկել է խորհրդարանական ընտրությունների քարոզարշավը