Սլովենիայի արտգործնախարարությունը ԼՂ հակամարտության կողմերին կոչ է անում վերսկսել առարկայական բանակցությունները
Սլովենիայի արտգործնախարարությունը ԼՂ հակամարտության կողմերին կոչ է անում վերսկսել առարկայական բանակցությունները՝ հակամարտության խաղաղ և կայուն կարգավորմանը հասնելու նպատակով, նշված է նախարարության թվիթերյան էջում կատարված գրառման մեջ:
«Սլովենիան ցավում է Լեռնային Ղարաբաղում բռնության շարունակական սրացման համար ու կոչ անում կողմերին վերսկսել առարկայական բանակցությունները՝ հակամարտության խաղաղ և կայուն կարգավորմանը հասնելու նպատակով»:
Երկրի արտաքին քաղաքական գերատեսչությունը մեջբերել է նաև ԵՄ արտաքին քաղաքականության և անվտանգության հարցերով բարձր ներկայացուցիչ Ջոզեֆ Բորելի հայտարարությունն այն մասին, որ ԵՄ-ն ողջունում է Հայաստանի և Ադրբեջանի միջև հրադադարի մասին համաձայնությունը և կողմերին կոչ է անում պահպանել այն ու բանակցություններ վարել ԵԱՀԿ Մինսկի խմբի համանախագահների հովանու ներքո: