Պուտինը Հայաստանի եւ Ադրբեջանի ԱԳՆ ղեկավարների հետ հանդիպում չի ծրագրում
ՌԴ նախագահ Վլադիմիր Պուտինի մամուլի խոսնակ Դմիտրի Պեսկովը հայտնել է, որ Պուտինը Մոսկվայում Հայաստանի եւ Ադրբեջանի ԱԳՆ ղեկավարների հետ հանդիպում չի ծրագրում, հաղորդում է ՏԱՍՍ-ը:
«Ոչ, այս պահին նախատեսվում է աշխատանք հենց արտաքին գործերի նախարարների մակարդակով»,-ասել է Պեսկովը՝ պատասխանելով հարցին, թե արդյոք երկու երկրների ԱԳՆ ղեկավարները կհանդիպեն ՌԴ նախագահի հետ:
Պեսկովը հայտնել է, որ Ռուսաստանի, Հայաստանի եւ Ադրբեջանի արտաքին գործերի նախարարների հանդիպումը կկայանա Մոսկվայի ժամանակով ժամը 15:00-ին:
Նա նաեւ նշել է, որ ՌԴ նախագահն այսօր «Բաքվից եւ Երեւանից իր գործընկերների հետ շատ մեծ եւ լարված աշխատանք է տարել»: Կրեմլի ներկայացուցիչը հիշեցրել է, որ այդ աշխատանքի արդյունքներով հայտարարություն է արվել, որում նա կողմերին կոչ է արել դադարեցնել կրակը Ղարաբաղում, փոխանակվել գերիներով եւ դուրս բերել զոհվածների մարմինները: Պուտինը նաեւ խորհրդակցությունների համար Մոսկվա է հրավիրել Հայաստանի եւ Ադրբեջանի արտաքին գործերի նախարարներին:
«Երկու կողմերն էլ արձագանքել են, արտաքին գործերի նախարարները Մոսկվայում են, եւ այսօր աշխատանքը կսկսեն ՌԴ արտաքին գործերի նախարար Սերգեյ Լավրովի հետ: Ակնկալում ենք, որ այդ հանդիպումը կսկսվի ժամը 15:00-ին»,-ասել է Պեսկովը:
Վթարային ջրանջատում Երևանի Էրեբունի վարչական շրջանում
65+ տարիքային սահմանափակումը վերացվեց, մեր հազարավոր քաղաքացիներ կկարողանան շարունակել իրենց աշխատան...
ՀՌՀ-ն և ԵԽ-ն համատեղ աշխատաժողով անցկացրեցին տեսալսողական մեդիածառայություն մատուցողների համար
«Զովետի» ՍՊ-ում հայտնաբերվել է վտանգավոր կաթնամթերք, արտադրությունը կասեցվել է
ՀՀ տարածքում ավտոճանապարհները հիմնականում անցանելի են
ՀՀ ԱԺ ութերորդ գումարման տասնմեկերորդ նստաշրջանի հերթական նիստ
Երևանում և Արմավիրի մարզում լցակայանների և ավտոտեխսպասարկման կետի գործունեություն է դադարեցվել
Հայաստանում այսօրվանից մեկնարկել է խորհրդարանական ընտրությունների քարոզարշավը
Տավուշի մարզում անցկացվել են հատուկ տակտիկական ուսումնավարժություններ
Համբերատար սպասում եմ, մինչեւ ԵՄ-ն կատարի պատմական առեւտրային համաձայնագրով նախատեսված իր մասը