Ավստրիայի կանցլերն առաջարկել է Վիեննայում բանակցություններ վարել ղարաբաղյան կարգավորման շուրջ
Ավստրիայի կանցլեր Սեբաստիան Կուրցն առաջարկել է Վիեննայում բանակցություններ վարել ղարաբաղյան կարգավորման շուրջ:
«Ես Հայաստանի վարչապետ Նիկոլ Փաշինյանի հետ զրույցում այսօր հույս հայտնեցի (հակամարտության) խաղաղ լուծման վերաբերյալ եւ կրկնեցի երկու կողմերի միջեւ բանակցությունների հերթական փուլ անցկացնելու մեր առաջարկը: Ավստրիան միշտ էլ եղել է երկխոսության վայր, եւ մենք կշարունակենք նպաստել դեէսկալացիային եւ ուղղակի բանակցություններին»,- գրել է նա Twitter-ում:
Նա մտահոգություն է հայտնել Լեռնային Ղարաբաղում շարունակվող սրացման կապակցությամբ: «Այս հակամարտությունը ռազմական լուծում չունի: Ավստրիան կոչ է անում դադարեցնել ռազմական գործողությունները եւ աջակցում է ԵԱՀԿ Մինսկի խմբի համանախագահների հովանու ներքո բանակցություններին»,- նշել է նա: