Պուտինն առայժմ չի ծրագրում բանակցել Ալիևի և Էրդողանի հետ․ Պեսկով
ՌԴ նախագահ Վլադիմիր Պուտինն Ադրբեջանի նախագահ Իլհամ Ալիևի ու Թուրքիայի նախագահ Ռեջեփ Թայիփ Էրդողանի հետ Լեռնային Ղարաբաղում հակամարտության թեմայով բանակցություններ անցկացնելու հստակ ծրագիր դեռևս չունի։ Սակայն տարածաշրջանում պատերազմ է ընթանում, իրադարձություններն արագ են զարգանում, այդ իսկ պատճառով գուշակություններ անելը դժվար է։
Այս մասին հայտարարել է ՌԴ նախագահի մամուլի խոսնակ Դմիտրի Պեսկովը, գրում է ՌԻԱ Նովոստին։ «Եթե դա անհրաժեշտ համարվի, ոչ մի կասկած չկա, նախագահ Պուտինը, իհարկե, կքննարկի այդ թեման իր գործընկերների հետ»,- հայտարարել է Պեսկովը։ Հարցին՝ հնարավո՞ր է, որ նման բանակցություններ տեղի ունենան այս շաբաթ, Կրեմլի խոսնակն ասել է․ «Դեռևս հստակ ծրագիր չկա»։