Հակամարտությունում կանադական տեխնոլոգիաների օգտագործման վերաբերյալ պնդումները կհետաքննվեն․ Կանադայի ԱԳՆ
Կանադայի արտաքին գործերի նախարար Ֆրանսուա-Ֆիլիպ Շամպանը կարգադրել է հետաքննություն անցկացնել հայ-ադրբեջանական հակամարտությունում կանադական տեխնոլոգիաների օգտագործման մասին հայտարարությունների ֆոնին, հայտնում է CTV News-ը:
«Կանադան խորապես մտահոգված է Լեռնային Ղարաբաղի հակամարտության գոտում շփման գծի երկայնքով լայնամասշտաբ ռազմական գործողությունների վերաբերյալ հաղորդումների կապակցությամբ, եւ մենք կոչ ենք անում անհապաղ դադարեցնել ռազմական գործողությունները, հետեւել հրադադարի եւ խաղաղ բնակչության պաշտպանության մասին պայմանագրին»,- ասել է նախարարը:
Նրա մեկնաբանությունները հաջորդել են Կանադայի հայ համայնքի հայտարարություններին այն մասին, որ կանադական արտադրության կրիչն օգտագործվել է թուրքական անօդաչու թռչող սարքերում, որոնք, ըստ նրանց, օգտագործվել են հայ-ադրբեջանական հակամարտությունում:
Կանադայի Հայ դատի հանձնախմբի գործադիր տնօրեն Սեւակ Բելյանը CTVNews.ca-ին տված հարցազրույցում նշել է, որ թուրքական եւ ադրբեջանական լրատվամիջոցներում կան «անհերքելի ապացույցներ» այն մասին, որ այդ անօդաչու թռչող սարքերն հատուկ օգտագործվում են «ինչպես ռազմական, այնպես էլ քաղաքացիական թիրախները հայտնաբերելու եւ դրանք խոցելու համար»:
Վերջերս Կանադայի Project Ploughshares խաղաղության հետազոտությունների ինստիտուտ ծավալուն զեկույց էր հրապարակել թեմայի վերաբերյալ: Դրանում խոսվում է այն ապացույցների մասին, որ Օնտարիո նահանգի Բուրլինգտոնից L3Harris Wescam կրիչները տեղադրվել են թուրքական անօդաչու թռչող սարքերի վրա, որոնք առավել հայտնի են որպես դրոններ:
CTV News-ը մեկնաբանության համար դիմել է ընկերությանը, սակայն պատասխան չի ստացել: «Ներկայումս մենք գոհ չենք նրանից, թե ինչպես է կառավարությունն արձագանքում իրավիճակին»,- ասել է Բելյանը:
«Իրավիճակն այնքան սարսափելի է, որ զոհ են դառնում խաղաղ բնակիչները, անմեղ երեխաները, կանայք եւ տղամարդիկ»,- հավելել է նա:
Բելյանը երկրի կառավարությանը կոչ է արել «անհապաղ դատապարտել» այն, ինչ տեղի է ունենում տարածաշրջանում:
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մարմնամարզության տղամարդկանց հավաքականը տուն է վերադառնում
Ղարաբաղից տեղահանվածները պետք է կապեն իրենց ապագան Հայաստանի հետ
Մադելին Շարաֆյանը «Օսկար»-ի մրցանակաբաշխությանը ներկայացել է հայ դիզայների զգեստով