Եթե կարելի է խաղաղություն հաստատել, ապա պետք է դա անել․ Յուրի Սապրիկին
Ռուսաստանը պետք է անի ամեն ինչ, որպեսզի Լեռնային Ղարաբաղում հաստատվի խաղաղություն, քանի դեռ չի հատվել անդառնալիության կետը։ Այս մասին հայտարարել է «Աֆիշա» հանդեսի նախկին գլխավոր խմբագիր Յուրի Սապրիկինը։
«Այն, որ պետք է մի օր սա տեղի ունենար, կարելի էր նաեւ կանխատեսել։ Սա չավարտված պատերազմ է։ Պատերազմ, որ արհեստականորեն սառեցվել է 90-ական թթ։ Ամենաուղիղ հետեւանքներից մեկը կայսրության փլուզման, որը տեսել ենք։ Վերջին երեսուն տարիների պատմությունը ցույց է տալիս, որ այդ հետեւանքները ոչ միանգամից են վրա հասնում, եւ երբեմն իրենց հերթին սպասում են տասնամյակներով։ Սա հետաձգված պատերազմ էր, որը ինչ որ կերպ պետք է պատերազմվեր։ Թե ինչու հիմա, դժվարանում եմ ասել։ Թվում է, որ սրանում ինչ որ բան կա, ինչ որ մեծ աշխարհաքաղաքական խաղ, սակայն մեզ միշտ թվում է, որ նման բաները կարելի է ավելի պարզ բացատրել ինչ որ առեղծվածներով կամ համաշխարհային անդրկուլիսյան պլաններով, քան թե պարզ արձանագրմամբ, որ տեղի են տվել նյարդերը եւ կուտակվել է պարզապես գերհոգնածություն։ Հասկանալի է, որ այս իրավիճակը չափազանց բարդ է Ռուսաստանի համար։ Մենք ունենք ահռելի հայկական եւ ադրբեջանական համայնքներ։ Ունենք ռազմական բազա Հայաստանում, եւ այսպես ասած՝ «ալարկոտ կերպով ընթացող հակամարտություն», որը միաժամանակ նաեւ ստանում է բարեկամության եւ համագործակցության տեսք Թուրքիայի հետ, որը կանգնած է Ադրբեջանի հետեւում։
Մենք ունենք գազային շահեր հարավում, որոնք արհեստականորեն են դադարեցվել, եւ հիմա Ադրբեջանը մեր տեղն է զբաղեցնում շուկայում։ Ուստիեւ հասկանալի է, որ Ռուսաստանը չի կարող անմասնակից մնալ այս ամենին, սակայն ինչումն է կայանալու Ռուսաստանի մասնակցությունը, որպեսզի հարաբերությունների փխրուն բալանսը չխաթարվի։ Ընթացիկ տարում, քաղաքական ցնցումների եւ կարանտինի հոգնածությունից հետո, սա կարող է էմոցիոնալ պայթյուն առաջացնել այս կամ այն հակամարտության համար։ Լավ է, որ միայն սոցկայքերում եւ ոչ թե փողոցներում։ Մեր շահը պետք է լինի այն, որ թույլ չտանք, որ մարդիկ զոհվեն, դառնան փախստական կամ էլ երեխաները որբանան։ Եթե Ռուսաստանը կարող է ինչ որ բան անել, որ խաղաղությունը վերահաստատվի, պետք է դա անի։ Հասկանալի է, որ ամեն մի պատերազմ իր հետ բերում է անհամար անկանխատեսելի գործոնների համակցություն եւ մենք նույնիսկ չգիտենք, թե ինչ է հիմա կատարվում առաջնագծում եւ արդյոք չենք հատել անդառնալիության կետը, երբ այն կվերաճի մեծ պատերազմի։ Մնում է միայն հուսալ»,- Pravmir-ի հետ զրույցում հայտարարել է Սապրիկինը։
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մարմնամարզության տղամարդկանց հավաքականը տուն է վերադառնում
Ղարաբաղից տեղահանվածները պետք է կապեն իրենց ապագան Հայաստանի հետ
Մադելին Շարաֆյանը «Օսկար»-ի մրցանակաբաշխությանը ներկայացել է հայ դիզայների զգեստով