Պետդուման կոչ է անում անհապաղ դադարեցնել կրակը Լեռնային Ղարաբաղում
ՌԴ Պետդուման նախատեսում է Լեռնային Ղարաբաղում անհապաղ հրադադարի կոչ անել՝ պատրաստակամություն հայտնելով միջնորդական օգնություն հատկացնել իրավիճակի խաղաղ կարգավորման համար: ТАСС գործակալության փոխանցմամբ՝ այս մասին ասվում է Դումայի ստորին պալատի նախագծում:
«Պետական դուման հայտարարում է կրակի անհապաղ դադարեցման, տարածաշրջանում առճակատման սրումը թույլ չտալու անհրաժեշտության և իրավիճակի խաղաղ կարգավորմանն այլընտրանք չլինելու մասին: Պետական դումայի պատգամավորները կոչ են անում կողմերին շուտափույթ վերադառնալ բանակցային գործընթացին և պատրաստ են միջնորդել իրավիճակի կայունացման հարցում»,- ասվում է նախագծի տեքստում:
Բացի այդ, ստորին պալատի պատգամավորները «լուրջ մտահոգություն են հայտնում Լեռնային Ղարաբաղի հակամարտության գոտում իրավիճակի կտրուկ սրմամբ, ինչը հանգեցրել է բազմաթիվ մարդկային կորուստների, և վճռականորեն դատապարտում են ուժի կիրառումը»:
Հայտարարության նախագիծը ներկայացվել է ԱՊՀ, եվրասիական ինտեգրմա և հայրենակիցների հետ կապերի հարցերով հանձնաժողովի կողմից:
Հիշեցնենք, որ Պետդումայի ԱՊՀ, եվրասիական ինտեգրման և հայրենակիցների հետ կապերի հարցերով հանձնաժողովի նախագահ Լեոնիդ Կալաշնիկովը նախօրեին անդրադարձել էր Լենային Ղարաբաղի ստատուս-քվոյի փոփոխության գաղափարին՝ այն վտանգավոր անվանելով ներկա պահին:
Վթարային ջրանջատում Երևանի Էրեբունի վարչական շրջանում
65+ տարիքային սահմանափակումը վերացվեց, մեր հազարավոր քաղաքացիներ կկարողանան շարունակել իրենց աշխատան...
Երևանում և Արմավիրի մարզում լցակայանների և ավտոտեխսպասարկման կետի գործունեություն է դադարեցվել
ՀՌՀ-ն և ԵԽ-ն համատեղ աշխատաժողով անցկացրեցին տեսալսողական մեդիածառայություն մատուցողների համար
«Զովետի» ՍՊ-ում հայտնաբերվել է վտանգավոր կաթնամթերք, արտադրությունը կասեցվել է
ՀՀ տարածքում ավտոճանապարհները հիմնականում անցանելի են
ՀՀ ԱԺ ութերորդ գումարման տասնմեկերորդ նստաշրջանի հերթական նիստ
Հայաստանում այսօրվանից մեկնարկել է խորհրդարանական ընտրությունների քարոզարշավը
Տավուշի մարզում անցկացվել են հատուկ տակտիկական ուսումնավարժություններ
Համբերատար սպասում եմ, մինչեւ ԵՄ-ն կատարի պատմական առեւտրային համաձայնագրով նախատեսված իր մասը