Մոսկվայի իշխանությունները տարեց մարդկանց խնդրել են տանը մնալ
Մոսկվայի քաղաքապետ Սերգեյ Սոբյանինը 65-ից բարձր տարիքի մարդկանց, ինչպես նաեւ քրոնիկ հիվանդություններ ունեցողներին խնդրել է սեպտեմբերի 28-ից տանը մնալ, հաղորդում է Meduza-ն:
Նման մարդիկ չպետք է առանց հատուկ անհրաժեշտության դուրս գան տնից: Նրանք պետք է հնարավորինս քիչ խանութներ եւ դեղատներ գնան եւ դիմակ ու ձեռնոցներ կրեն: Առաջարկվում է նաեւ ժամանակավորապես հրաժարվել հարազատների եւ ընկերների հետ շփումից, ովքեր առանձին են ապրում: Բացօթյա զբոսանքներն ու մարզումները չեն սահմանափակվում:
65-ից բարձր տարիքի աշխատող եւ քրոնիկ հիվանդություններ ունեցող մարդկանց խորհուրդ է տրվում անցնել հեռավար աշխատանքի կամ արձակուրդ վերցնել:
Սոբյանինը դիմել է նաեւ գործատուներին` խնդրելով նրանց հնարավորինս շատ աշխատողների տեղափոխել հեռավար աշխատանքի: Նա խորհուրդ է տվել խստորեն պահպանել սանիտարահամաճարակային անվտանգության միջոցներն աշխատավայրերում` ախտահանել, հետեւել հեռավորությանը, դիմակներ եւ ձեռնոցներ օգտագործել, չափել աշխատողների ջերմաստիճանը եւ COVID-19-ի աշխտորոշման թեստեր անցկացնել:
Բացի այդ, Սոբյանինը խնդրել է խստորեն պահպանել դիմակների եւ ձեռնոցների ռեժիմը տրանսպորտում, խանութներում եւ հասարակական այլ վայրերում: «Մենք բոլորս բացարձակապես չենք ցանկանում վերադառնալ այս գարնան դաժան սահմանափակումներին: Հուսով եմ` կարող ենք խուսափել դրանից: Բայց միայն այն դեպքում, եթե հոգ տանենք մեր եւ մերձավորների մասին»,- ասել է Մոսկվայի քաղաքապետը:
Սեպտեմբերի 24-ին Մոսկվայում հունիսից ի վեր առաջին անգամ COVID-19-ով վարակման ավելի քան հազար նոր դեպք էր գրանցվել:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մարմնամարզության տղամարդկանց հավաքականը տուն է վերադառնում
Մադելին Շարաֆյանը «Օսկար»-ի մրցանակաբաշխությանը ներկայացել է հայ դիզայների զգեստով
Ղարաբաղից տեղահանվածները պետք է կապեն իրենց ապագան Հայաստանի հետ
Տնային պայմաններում խնամքի ծառայություններ՝ տարեց կամ հաշմանդամություն ունեցող անձանց․ ուր դիմել
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...
Արսեն Զախարյանի տրանսֆերային արժեքն աճել է