Բայդենի որդին միլիոնավոր դոլարներ է ստացել ռուս միլիարդատիրուհուց. ԱՄՆ Սենատում աղմկահարույց զեկույց է հրապարակվել
ԱՄՆ Սենատի ներքին անվտանգության հարցերով հանձնաժողովը հրապարակել է զեկույց, որի թեման ԱՄՆ նախկին փոխնախագահ, Դեմոկրատական կուսակցությունից նախագահի թեկնածու Ջո Բայդենի որդու՝ Հանթեր Բայդենի բիզնես շահերն են: Զեկույցից պարզ է դառնում, որ Բայդեն կրտսերի ընկերությունը ֆինանսական կապեր է ունեցել Ելենա Բատուրինայի՝ Ռուսաստանի ամենահարուստ կանանցից մեկի հետ, գրում է Forbes-ը:
Մոսկվայի նախկին քաղաքապետ Յուրի Լուժկովի այրին գումարներ է փոխանցել Բայդենի ընկերությանը: Օրինակ՝ 2014թ. փետրվարին միլիարդատիրուհին Բայդենի Rosemont Seneca Thornton LLC-ի հետ կոնսալթինգային համաձայնագրի շրջանակում 3,5 մլն դոլար է փոխանցել: Մինչդեռ 2015թ. մայիս-դեկտեմբեր ամիսների ընթացքում Բատուրինան 391 968,21 դոլարի 11 փոխանցում է արել և հատկանշական է, որ այդ փոխանցումներից ինն արվել են Բայդենի ընկերության միջոցով:
Նշվում է, որ 87 էջանոց զեկույցը մի քանի ամիս տևած հետաքննության արդյունքն է. դրա շրջանակում ներքին անվտանգության և ֆինանսների հարցերով հանձնաժողովների անդամները ուսումնասիրել են մեծ քանակությամբ փաստաթղթեր՝ հանգելով այն եզրակացության, որ Հանթեր Բայդենի գործարքները կարող են հանցավոր գործունեության տարրեր պարունակել:
Փաստաթղթում նշվում է, որ Բայդենը հոր՝ փոխնախագահ լինելու տարիներին և դրանից հետո ստեղծած բիզնես կապերի շնորհիվ միլիոնավոր դոլարներ է ստացել օտարերկրյա աղբյուրներից:
Ջո Բայդենի նախընտրական շտաբից հայտնել են, որ զեկույցը հարձակում է նախագահի թեկնածուի դեմ:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մարմնամարզության տղամարդկանց հավաքականը տուն է վերադառնում
Մադելին Շարաֆյանը «Օսկար»-ի մրցանակաբաշխությանը ներկայացել է հայ դիզայների զգեստով
Ղարաբաղից տեղահանվածները պետք է կապեն իրենց ապագան Հայաստանի հետ
Տնային պայմաններում խնամքի ծառայություններ՝ տարեց կամ հաշմանդամություն ունեցող անձանց․ ուր դիմել
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...
Արսեն Զախարյանի տրանսֆերային արժեքն աճել է