Բացահայտվել է չինական հին դամբարանի խորհրդավոր հեղուկի գաղտնիքը
Չինացի գիտնականները բացահայտել են խորհրդավոր հեղուկի գաղտնիքը, որը 2 հազար տարեկան դամբարանի պեղումների ժամանակ հայտնաբերվել էր բրոնզե կուժի մեջ, հայտնում է «Սինհուան»։
Հետազոտություններին արդյունքները ցույց են տվել, որ անոթի մեջ եղել է սպիրտ պարունակող դեղորայքային ըմպելիք։ Մասնագետների տեղեկություններով՝ այս խառնուրդն օգտագործվել է արյունահոսությունը դադարեցնելու եւ բորբոքումը նվազեցնելու համար։
Գիտնականները ներկայումս շարունակում են գտածոն հետազոտել, որ ավելի շատ տեղեկություններ ստանան հումքի մասին, որից ըմպելիքն արտադրվել է, եւ դրա պատրաստման գործընթացի մասին։
Դամբարանը հայտնաբերել են այս տարվա մայիսին Հենան նահանգի Սանմենսյա քաղաքում հետնախորշերի վերակառուցման ժամանակ։ Հաշվի առնելով նախնական անալիզի արդյունքները՝ փորձագետները կարծում են, որ այն կառուցվել է Ցին դինաստիայի տիրակալության վերջին (մ․թ․ա․ 221-207 թվականներ) եւ Արեւմտյան Հան դինաստիայի տիրակալության սկզբին (մ․թ․ մինչեւ 8 թվական)։