Մոլորակի ամենատարեց բնակչուհին երկարակեցության ռեկորդ է սահմանել
Ճապոնուհի Քանե Թանաքան, ով ներառվել է Գինեսի ռեկորդների գրքում` որպես մոլորակի ամենատարեց մարդ, գերազանցել է իր հայրենակցուհու կողմից սահմանված տարիքի նախորդ համաշխարհային ռեկորդը: Տատիկն ապրել է 117 տարի 260 օր, հայտնում է Life-ը` վկայակոչելով NHK- ն:
Քանե Թանաքան ծնվել է 1903 թվականի հունվարի 2-ին: 103 տարեկանում նրա մոտ հաստ աղիքի քաղցկեղ էր ախտորոշվել, սակայն կինը երկար վիրահատությունից հետո հաղթահարել էր հիվանդությունը: Նրա կարծիքով` երկարակեցության գաղտնիքը ամուր ընտանիքի, առողջ քնի եւ ճիշտ սննդակարգի մեջ է: