Ռուսաստանը Բելառուսին 1,5 միլիարդ դոլար վարկ կտրամադրի
Մոսկվան Մինսկին կտրամադրի 1,5 միլիարդ դոլար պետական վարկ, հայտարարել է ՌԴ նախագահ Վլադիմիր Պուտինը Բելառուսի ղեկավար Ալեքսանդր Լուկաշենկոյի հետ հանդիպման ժամանակ: «Մենք պայմանավորվեցինք, որ Ռուսաստանը այս դժվար պահին Բելառուսին կտրամադրի 1,5 միլիարդ դոլար պետական վարկ։ Հիմա մեր երկրների ֆինանսների նախարարներն աշխատում են այդ ուղղությամբ պրոֆեսիոնալ մակարդակում»: Պուտինը նաև առաջարկել է, որ Լուկաշենկոն ջանքեր գործադրի վերականգնելու Ռուսաստանի Դաշնության և Բելառուսի միջև առևտուրը, որը նվազել է կորոնավիրուսային համաճարակի պատճառով: