«Որքան շատ է բռնապետ Լուկաշենկոն ցանկանում պահպանել իշխանությունը, այնքան այն ավելի է թուլանում». Տիխանովսկայան սյունակ է գրել The Washington Post-ի համար
Բելառուսի ընդդիմության առաջնորդ Սվետլանա Տիխանովսկայան սյունակ է գրել ամերիկյան The Washington Post պարբերականի համար, որում հայտարարում է, որ օգոստոսին կայացած նախագահական ընտրություններից հետո բելառուսները համախմբվել են «հանուն ժողովրդավարության աննախադեպ զանգվածային շարժման» շրջանակում:
«Որքան շատ է բռնապետ Լուկաշենկոն ցանկանում պահպանել իշխանությունը, այնքան այն ավելի է թուլանում»,-գրել է Տիխանովսկայան:
Նրա խոսքով` Բելառուսի բնակիչները շարունակում են դուրս գալ բողոքի ակցիաների` չնայած ուժայինների կողմից ճնշումներին, ինչպես նաև ստին և քարոզչությանը, որն իրականացնում են Բելառուս այցելած ռուս լրագրողները:
«Մենք խաղաղ ակցիաների կողմնակից ենք և հրաժարվում ենք բռնությունից: Շատերը հարցնում են, թե արդյոք դա բավարար է: Ես կարծում եմ, որ պատասխանն այո է: Մենք՝ որպես ժողովուրդ, հասել ենք այն կետին, որտեղից վերադարձ չկա: Լուկաշենկոն այս երկրի առաջնորդի դերում ապագա չունի, և նրա՝ իշխանությունից հեռանալն ընդամենը ժամանակի հարց է»,-գրում է Տիխանովսկայան:
Ընդդիմադիր գործիչն այլ երկրների կառավարություններին կոչ է արել «դադարեցնել համագործակցությունը ռեժիմի հետ» և պատժամիջոցներ սահմանել նրանց նկատմամբ, ովքեր կեղծել են Բելառուսի նախագահական ընտրությունների արդյունքները` հանցանք գործելով սեփական ժողովրդի դեմ: Նա այդ երկրներին խնդրել է նաև «անել հնարավոր ամեն բան, որպեսզի օգնեն այն բելառուսներին, որոնք ստիպված են եղել փախչել երկրից վերջին բռնաճնշումների ժամանակ»:
«Հակառակ պետական քարոզչության պնդումներին՝ ժամանակը մեր կողմից է: Այն, ինչ հավերժական էր թվում, կանհետանա մեկ ակնթարթում: Մեզ ընդամենը պետք է միասնական լինել: Հարցն այն չէ, թե արդյոք մենք կհաղթենք: Մենք արդեն հաղթել ենք: Ռեժիմը փորձում է գողանալ մեզնից այդ հաղթանակը: Չի ստացվի»,-գրել է Տիխանովսկայան:
Բողոքի ցույցերը Բելառուսում չեն դադարում օգոստոսի 9-ին կայացած նախագահական ընտրություններից ի վեր. ընդդիմադիրներն ու նրանց կողմնակիցներն ամեն օր փողոց են դուրս գալիս՝ բողոքելով ընտրությունների արդյունքներից, որոնց համաձայն՝ հաղթող է ճանաչվել երկրի գործող նախագահ Ալեքսանդր Լուկաշենկոն:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Մադելին Շարաֆյանը «Օսկար»-ի մրցանակաբաշխությանը ներկայացել է հայ դիզայների զգեստով
Մարմնամարզության տղամարդկանց հավաքականը տուն է վերադառնում
Ղարաբաղից տեղահանվածները պետք է կապեն իրենց ապագան Հայաստանի հետ
Տնային պայմաններում խնամքի ծառայություններ՝ տարեց կամ հաշմանդամություն ունեցող անձանց․ ուր դիմել
Ստեփանծմինդա-Լարս ավտոճանապարհը փակ է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...