Ինչու՞ են ոսկու արդյունահանման խոշորագույն ընկերությունները կրճատում արտադրության ծավալները` չնայած թանկացումներին
Աշխարհի խոշորագույն ոսկու արդյունահանողները կրճատում են արդյունահանումը COVID-19-ի հետ կապված լոքդաուններից հետո` չնայած ոսկու ռեկորդային գներին: Ընկերությունների ղեկավարներն առաջնահերթություն են տալիս ներդրողների եկամտաբերությանը, քան` արդյունահանման աճին:
Ոսկու գներն այս տարի աճել են 30 տոկոսով եւ կազմել շուրջ 2000 դոլար մեկ ունցիայի դիմաց, քանի որ կենտրոնական բանկերը խթանիչ միջոցների են դիմում` կորոնավիրուսի համավարակին ի պատասխան:
Ղեկավարների, վերլուծաբանների եւ ֆոնդերի ղեկավարների հետ հարցազրույցները ցույց են տալիս, որ մայներները երկմտում են գումար ծախսել թանկ նախագծերի եւ մարժինալային դեպոզիտներ են բացում, որոնք զգալի կապիտալ եւ տարիներ են պահանջում հատուցման համար:
Ոսկու արդյունահանման 10 համաշխարհային ընկերությունից յոթը, այդ թվում` աշխարհի խոշորագույն ոսկու արդյունահանող Newmont-ը, կանադական Barrick-ը եւ Հարավաֆրիկյան ոսկու հանքերը, պլանային արդյունահանումը կրճատել են 7 տոկոսով` պատճառաբանելով կորոնավիրուսի համավարակը:
«Նախկինում ոսկու արդյունաբերության իսակական ծուղակ էր ձգտումը ծավալին»,- ասել է Newmont-ի գործադիր տնօրեն Թոմ Փալմերը: Newmont-ի այս տարվա բյուջեն 1.3 մլրդ դոլար է` նախորդ ցիկլի մոտավորապես կեսը: Gold Fields-ը հայտարարել է, որ չի շտապում հրաժարվել արտադրությունից նվազագույն ծավալից, որը կարող է տնտեսապես ձեռնտու լինել: «Նավը պարզապես այլ ուղղությամբ շրջելը հեշտ չէ»,- ասել է Gold Fields-ի գործադիր տնօրեն Նիք Հոլանդը` անդրադառնալով արդյունահանման ավելացմանն ավելի բարձր գնի հաշվին:
Barrick-ի գործադիր տնօրեն Մարկ Բրիսթոուն ակնկալում է, որ արժեքը երկարաժամկետ կտրվածքով կմնա անփոփոխ` 1200 դոլար, ինչն ամրապնդում է դիվիդենտների աճը եւ պարտքի կրճատումը:
Refinitiv-ի տվայլներով` վերջին 20 տարվա ընթացքում ոսկու գինն աճել է ավելի քան 500 տոկոսով: Ոսկու համաշխարհային խորհրդի տվյալների համաձայն` ոսկու համաշխարհային արդյունահանումը, այդ թվում` արդյունահանման եւ վերամշակման ժամանակ, աճել է 22 տոկոսով:
Մայներներն ավելացրել են դիվիդենտներն ավելի բարձր գների ֆոնին. նախորդ ամիս Barrick-ն ավելացրել էր իր եռամսյակային վճարները 14 տոկոսով, իսկ ապրիլին Newmont-ը` 79 տոկոսով: Scotiabank-ի վերլուծաբաններն ակնկալում են, որ դիվիդենտների աճը 2021 թվականին կշարունակվի:
«Ընկերություններին դեռ անհրաժեշտ է պահպանողական մոտեցում ցուցաբերել»,- ասել է Զո Ֆոսթերը Van Eck Associates Corp-ից, որին է պատկանում է Barrick-ի եւ Newmont-ի բաժնետոմսերը, և ակնկալում է, որ ոսկու գինն ի վերջո 3000 ԱՄՆ դոլարի կհասնի:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մադելին Շարաֆյանը «Օսկար»-ի մրցանակաբաշխությանը ներկայացել է հայ դիզայների զգեստով
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...