Վերջին 15 տարվա ընթացքում Բեյրութի նավահանգստում ավելի քան 4 տոննա ամոնիումի նիտրատ է պահվել. Լիբանանի նախագահ
Օգոստոսի 4-ին տեղի ունեցած սարսափելի պայթյունից ընդամենը մի քանի շաբաթ անց Բեյրութի նավահանգստում հայտնաբերված մի քանի տոննա պայթուցիկ նյութերը պահեստում պահվել են 15 տարի: Այս մասին հայտարարել է Լիբանանի նախագահ Միշել Աունը, փոխանցում է Reuters-ը:
Սեպտեմբերի 2-ին երկրի զինված ուժերը հայտնել էին, որ նավահանգստի մերձակայքում 4.35 տոննա պայթուցիկ քիմիական նյութ` ամոնիումի նիտրատ է հայտնաբերվել, որն էլ օգոստոսի 4-ին տեղի ունեցած պայթյունի պատճառ էր դարձել, ինչի արդյունքում զոհվել էր շուրջ 190 մարդ եւ ավերվել էր Բեյրութի մի մասը:
Պայթյունի պատճառը մոտ 2750 տոննա ամոնիումի նիտրատն էր, որը, ըստ պաշտոնյաների, վեց տարի պահվել է նավահանգստում անապահով պայմաններում:
Նախագահ Միշել Աունը բանակի բարձրաստիճան սպաների հետ հանդիպումից հետո հայտարարել է, որ նավահանգստի մուտքի մոտ հայտնաբերված 4.35 տոննա ամոնիումի նիտրատն այնտեղ պահեստավորված է եղել 2005 թվականից: Նա հայտնել է, որ դրանք անվտանգ ոչնչացվել են:
Նախագահի խոսքով` բանակը նավահանգստում ստուգել է 143 բեռնարկղ, որոնցում, նրա խոսքով, այլ դյուրավառ նյութեր են հայտնաբերվել:
Նախօրեին Բեյրութի նավահանգստում կրկին հրդեհ էր բռնկվել, որի պատճառ կարող էին դառնալ եռակցման աշխատանքները:
Վթարային ջրանջատում Երևանի Էրեբունի վարչական շրջանում
65+ տարիքային սահմանափակումը վերացվեց, մեր հազարավոր քաղաքացիներ կկարողանան շարունակել իրենց աշխատան...
Երևանում և Արմավիրի մարզում լցակայանների և ավտոտեխսպասարկման կետի գործունեություն է դադարեցվել
ՀՌՀ-ն և ԵԽ-ն համատեղ աշխատաժողով անցկացրեցին տեսալսողական մեդիածառայություն մատուցողների համար
«Զովետի» ՍՊ-ում հայտնաբերվել է վտանգավոր կաթնամթերք, արտադրությունը կասեցվել է
ՀՀ տարածքում ավտոճանապարհները հիմնականում անցանելի են
ՀՀ ԱԺ ութերորդ գումարման տասնմեկերորդ նստաշրջանի հերթական նիստ
Հայաստանում այսօրվանից մեկնարկել է խորհրդարանական ընտրությունների քարոզարշավը
Համբերատար սպասում եմ, մինչեւ ԵՄ-ն կատարի պատմական առեւտրային համաձայնագրով նախատեսված իր մասը
Տավուշի մարզում անցկացվել են հատուկ տակտիկական ուսումնավարժություններ