Հս. Կորեան սահմանապահներին հրամայել է տեղում գնդակահարել ցանկացած մեկի, ով կփորձի Չինաստանի կողմից ապօրինի հատել սահմանը
Հյուսիսային Կորեայի իշխանությունները հրամայել են Չինաստանի հետ սահմանին մահացու կրակ բացել՝ կանխելով կորոնավիրուսի ներթափանցումը երկիր: Այս մասին հայտարարել է Հարավային Կորեայում ԱՄՆ զորքերի հրամանատարը, գրում է alarabiya.net կայքը:
Աղքատացած Հյուսիսը, որի քայքայվող առողջապահական համակարգը կդժվարանա հաղթահարել վիրուսի խոշոր բռնկումը, դաշնակից Չինաստանում վիրուսի ի հայտ գալուց ի վեր վարակման ոչ մի դեպք չի գրանցել:
Փհենյանը հունվարին փակել էր Չինաստանի հետ սահմանը ՝ փորձելով կանխել վարակի տարածումը, իսկ հուլիսին պետական լրատվամիջոցները հայտնել էին, որ արտակարգ դրությունը հասցվել է բարձրագույն մակարդակի:
Հարավային Կորեայում ԱՄՆ զինված ուժերի հրամանատար Ռոբերտ Աբրամսը տեղեկացրել է, որ սահմանների փակումը բարձրացրել է մաքսանենգ ապրանքների պահանջարկը և իշխանությունը ստիպված է եղել միջամտել:
«Հյուսիսը ստեղծել է նոր «բուֆերային գոտի, որը գտնվում է Չինաստանի սահմանից մեկ կամ երկու կիլոմետր վերև»,-ասել է Աբրամսը հինգշաբթի Վաշինգտոնում ռազմավարական և միջազգային հետազոտությունների կենտրոնի (CSIS) կողմից կազմակերպված առցանց խորհրդաժողովին:
«Նրանք հատուկ գործողությունների ուժեր ունեն, հարվածային ուժեր են, որոնք հրաման են ստացել գնդակահարել տեղում»,-ավելացրել է ամերիկացի հրամանատարը:
Ըստ Աբրամսի` սահմանների փակումը արդյունավետորեն «արագացրել է» Հյուսիսի միջուկային ծրագրերի պատճառով նրա նկատմամբ կիրառվող տնտեսական պատժամիջոցների հետևանքները, Չինաստանից ներմուծումն էլ կրճատվել է 85%-ով:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մադելին Շարաֆյանը «Օսկար»-ի մրցանակաբաշխությանը ներկայացել է հայ դիզայների զգեստով
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...