ՌԴ ՆԳՆ-ն հարցում է պատրաստում մասնակցելու Գերմանիայում Նավալնու գործով քննչական գործողություններին
Ռուսաստանի ՆԳՆ Սիբիրի դաշնային շրջանի տրանսպորտի վարչությունը Գերմանիային հղվող լրացուցիչ հարցում է պատրաստում՝ Ալեքսեյ Նավալնու հետ տեղի ունեցածի հետ կապված Գերմանիայում քննչական գործողություններին մասնակցել թույլ տալու խնդրանքով, հայտնում է ՏԱՍՍ-ը՝ վկայակոչելով վարչության մամուլի ծառայությանը։
«Ա․Ա․Նավալնու կոմայից դուրս գալու մասին լրատվամիջոցներում հրապարակված տեղեկությունների հետ կապված՝ քննչական ստորաբաժանումը Քրեական գործերով փոխադարձ իրավական օգնության մասին գործող եվրոպական կոնվենցիայի, ինչպես նաեւ ՌԴ Քրեադատավարական օրենսգրքի 453 եւ 454 հոդվածների համաձայն լրացուցիչ հարցում է պատրաստում Գերմանիայի իրավասու մարմիններին իրավական օգնության ցուցաբերման մասին»,- նշված է հաղորդագրության մեջ։
Հարցումը ներառելու է միջնորդություն Նավալնու, բժիշկների եւ փորձագետների հետ գերմանացի գործընկերների քննչական գործողություններ անցկացնելիս, այդ թվում՝ բացատրություններ ստանալիս ՌԴ ՆԳ մարմինների քննիչների եւ ռուս փորձագետի մասնակցության հնարավորության մասին։ Դա հնարավորություն կտա տալ հստակեցնող եւ լրացուցիչ հարցեր, պարզաբանել են գերատեսչությունից։ Նավալնու հոսպիտալացման փաստով օգոստոսի 20-ին սկսված նախաքննական ստուգումը շարունակվում է։
Տրանսպորտային ոստիկանության աշխատակիցները վերականգնել են Տոմսկում եւ Տոմսկի մարզում Նավալնու եւ նրան ուղեկցող անձանց մնալու ժամանակագրությունը, պարզել են նրանց տեղաշարժման երթուղին, շփումների շրջանակը, իջեւանելու եւ այցելելու վայրերը։ Դրանց թվում են՝ Xander Hotel հյուրանոցը Velvet ռեստորանով, վարձած բնակարանը, որտեղ տեղի է ունեցել Նավալնու կողմնակիցների աշխատանքային հանդիպումը, Տոմսկի օդանավակայանում «Վիեննական սրճարանը»։
Ոստիկանները հարցեր են ուղղել Նավալնուն ուղեկցած 6 քաղաքացիներից 5-ին, որոնց թվում են՝ Վլադլեն Լոսը, Գեորգի Ալբուրովը, Իլյա Պախոմովը, Կիրա Յարմիշը եւ Պավել Զելենսկին։ Միեւնույն ժամանակ Մարինա Պեվչիխը, որը մշտապես բնակվում է Մեծ Բրիտանիայում, օգոստոսի 20-ին խուսափել է բացատրություններ տալ։ Նա օգոստոսի 22-ին մեկնել է Գերմանիա, պարզվում է նրա գտնվելու վայրը, ինչպես նաեւ Նավալնու հետ միեւնույն օդանավում եղած ուղեւորների գտնվելու վայրը։ Դրանից բացի, միջոցառումներ են ձեռնարկվում Մոսկվայում նրան բուժող բժշկին եւ բժշկական կլինիկան պարզելու համար, որտեղ նա բուժում է անցել։
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մադելին Շարաֆյանը «Օսկար»-ի մրցանակաբաշխությանը ներկայացել է հայ դիզայների զգեստով
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...