Apple-ը պաշտպանիչ դիմակներ է ստեղծել աշխատակիցների համար
Apple-ը պաշտպանիչ դիմակներ է ստեղծել աշխատակիցների համար, հաղորդում է Bloomberg-ը: Առաջին արտադրանքը կներկայացվի աշնանը, այն կկրի Apple Face Mask անվանումը:
Դիմակը կազմված է 3 շերտից: Այն կարելի է լվանալ եւ կրկին օգտագործել՝ մինչեւ 5 անգամ:
Forbes-ի հաղորդմամբ՝ դիմակներն աշխատակիցները կստանան հաջորդ 2 շաբաթվա ընթացքում:
Ավելի վաղ ԱՄՆ-ի սննդի ու դեղորայքի վարչությունը հավանություն էր տվել ClearMask դիմակներին՝ թափանցիկ դիմակներ, որոնք վատ լսող մարդկանց թույլ են տալիս կարդալ շուրթերի միջոցով: