Վիեննայի ՄԱԿ բաժանմունքում կորոնավիրուսով վարակվածների թիվն աճել է
Երկուշաբթի Վիեննայի ՄԱԿ բաժանմունքում կորոնավիրուսով վարակվածների թիվն աճել է 7-ով։ Վիեննայի միջազգային կենտրոնի (ՎՄԿ) լրատվական ծառայությունը հայտնել է, որ այսպիսով՝ համաշխարհային կազմակերպության բաժանմունքում հիվանդացածների ընդհանուր թիվը հասել է մինչեւ 32-ի, որոնցից 24-ն արդեն ապաքինվել է, հայտնում է ՏԱՍՍ-ը։
Նոր վարակվածներից վեցն աշխատում է Ատոմային էներգիայի միջազգային գործակալությունում (ԱԷՄԳ), մեկը՝ ՄԱԿ թմրանյութերի եւ հանցավորության վարչությունում։ ՄԱԿ բաժանմունքի բժշկական ծառայությունը տեղի ունեցածի մասին նախազգուշացրել է հիվանդացածների հետ շփված բոլոր մարդկանց։
Լրատվական ծառայությունից նշում են, որ վարակման նոր դեպքերը կապված են ԱԷՄԳ-ի ավելի վաղ վարակված աշխատակցի հետ, որը հայտնաբերվել էր ՎՄԿ աշխատակիցների եւ դիվանագետների համար նախատեսված խանութում։ ՎՄԿ անձնակազմը եւ շփում ունեցած կորոնավիրուսի դրական արդյունքով մարդիկ ինքնամեկուսացել էին։
ՎՄԿ լրատվական ծառայությունը Վիեննայում ՄԱԿ համակարգի միջազգային կազմակերպությունների աշխատակիցների շրջանում կորոնավիրուսով վարակման նոր դեպքերի մասին հայտնել էր սեպտեմբերի 3-ին եւ 4-ին։
Վիեննայում ՄԱԿ բաժանմունում սեպտեմբերի 14-18-ին նախատեսված է ԱԷՄԳ-ի կառավարիչների խորհրդի նստաշրջանը, սեպտեմբերի 21-25-ին՝ ԱԷՄԳ-ի Գլխավոր կոնֆերանսի նստաշրջանը գործակալության անդամ երկրների ներկայացուցիչների մասնակցությամբ։
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մադելին Շարաֆյանը «Օսկար»-ի մրցանակաբաշխությանը ներկայացել է հայ դիզայների զգեստով
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...