Չինաստանը զորավարժություններ կանցկացնի աճող տարածաշրջանային լարվածության ֆոնին
Չինաստանը հյուսիսարեւելյան եւ արեւելյան առափնյա շրջանում նոր զորավարժություններ կանցկացնի, որը կդառնա աճող տարածաշրջանային լարվածության ֆոնին զուգահեռ զորավարժությունների շարքում վերջիններից մեկը, փոխանցում է Reuters-ը։
Զորավարժությունների առաջին փուլը տեղի կունենա Բոհայան ծովում, Ցինհուանդաո հյուսիսարեւելյան նավահանգստի մոտ, հայտնել է ծովում անվտանգության հարցերով վարչությունը։ Երկրորդ զորավարժությունը, որը ներառում է մարտական հրաձգություն, անցկացվելու է երեքշաբթի Դեղի ծովի հարավային մասում եւ չորեքշաբթի Լյանյունգան քաղաքի մոտ։ Այս շրջան բոլոր նավերի մուտքն արգելված է։