Բրազիլիայի դատարանն արգելել է երկրի նախագահի որդու ապօրինի հարստացման գործով հետաքննության նյութերի հրամարակումը
Ռիո դե Ժանեյրոյի դատարանն ուրբաթ արգելել է Globo ազգային հեռուստաընկերությանը նյութեր ցուցադրել երկրի նախագահ Ժաիր Բոլսոնարուի որդու` սենատոր Ֆլավիո Բոլսոնարուի ապօրինի հարստացման սխեմայի հետաքննության վերաբերյալ, երբ նա տարածաշրջանային օրենսդիր մարմնի անդամ էր: Այս մասին ինքը` քաղաքական գործիչը, հայտարարել է Instagram-ի իր էջին, հայտնում է ՏԱՍՍ-ը:
«Ես հենց նոր ստացա դատարանի որոշումը, որն արգելում է Globo-ին հրապարակել որեւէ փաստաթուղթ ինձ վերաբերող հետաքննությունից, որի նյութերը գաղտնի են: Ես թաքցնելու բան չունեմ, ես տվել եմ բոլոր պարզաբանումները, բայց առանձին ԶԼՄ-ների կողմից հորինվող պատմությունները գեղարվեստական են` ուղղված իմ եւ նախագահ Ժաիր Բոլսոնարուի հեղինակության հանցավոր սեւացմանը»,- նշվում է հրատարակության մեջ:
Ինչպես նշել է պետության ղեկավարի որդին, դատավորը կարծում է, որ այդ նյութերի ցուցադրումը կխոչընդոտի քաղաքական գործչի պաշտպանության իրավունքի իրացմանը: Դատարանի որոշումը բրազիլական մամուլի մասնագիտական ասոցիացիաները գրաքննության դրսեւորում են համարել, որն արգելված է երկրի սահմանադրությամբ:
2018-ի սկզբին հայտնի դարձավ, որ Բրազիլիայի ֆինանսական իշխանությունները Ֆլավիո Բոլսոնարուի հաշվին միջոցների կասկածելի տեղաշարժ են գրանցել: Ըստ Ֆինանսական գործունեության վերահսկման կոմիտեի (COAF` մարմին, որը վերահսկում է ֆինանսական գործարքները փողերի լվացման դեմ պայքարի համար), 2017-ի հունիսի 9-ից հուլիսի 13-ը Ֆլավիո Բոլսոնարուի հաշվին 48 փոխանցում է կատարվել` ընդհանուր առմամբ 96 հազար ռեալ (մոտ 26 հազար դոլար): COAF- ի զեկույցում նշվում էր նաեւ, որ բոլոր 48 դեպքերում միջոցները փոխանցվել են Ռիո դե Ժանեյրո նահանգի օրենսդիր ժողովի շենքում տեղակայված բանկոմատի միջոցով, որտեղ այդ ժամանակ աշխատում էր նախագահի որդին:
Ֆինանսական մարմինը կասկածելի էր համարել, որ փոխանցումները կատարվել են մաս-մաս` 2000 ռեալով (530 դոլար): Նրանց կարծիքով` դա կարող է պայմանավորված լինել միջոցների ծագումը թաքցնելու փորձով: Իր հերթին, Բոլսոնարու կրտսերն ասել էր, որ իր բանկային հաշվի կասկածելի միջոցները ստացվել են բնակարանի վաճառքից: Քաղաքական գործչի խոսքով` ըստ պայմանագրի բնակարանի գնորդը իրեն վճարման մի մասը տվել է կանխիկ, եւ հենց այդ միջոցներն էր նա իր հաշվին է փոխանցում բանկոմատի միջոցով:
Այս գործով հետաքննությունն ավարտվել էր այս շաբաթ: Ինչպես պարզել են իրավապահ մարմինների աշխատակիցները, Ֆլավիո Բոլսոնարուի աշխատակազմի նախկին ղեկավար Ֆաբրիցեո Կեյրոշի բանկային հաշիվներով 1.2 միլիոն ռեալ է անցել, իսկ Ռիո դե Ժանեյրոյի նախկին պատգամավորի գրասենյակի աշխատակազմից նրա հաշվին ավելի քան 2 միլիոն ռեալ է ուղարկվել: Ենթադրվում է, որ տնային կալանքի տակ գտնվող Կեյրոշը նախագահի որդու շահերից հանցագործ փողերի լվացման սխեմայի օպերատորն է:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մադելին Շարաֆյանը «Օսկար»-ի մրցանակաբաշխությանը ներկայացել է հայ դիզայների զգեստով
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...