Ձկնորսը ռեկորդային չափի սպիտակ լոքո է բռնել

ԱՄՆ Նյու Յորք նահանգում ձկնորսը ռեկորդային չափի սպիտակ լոքո է որսացել, հայտնում է Lenta-ն՝ հղում անելով NewYorkUpstate.com-ին:

Լաուդոնվիլ քաղաքից Քրիս Բրոքեթը Հուդզոնի ամենամեծ վտակում՝ Մոհոկ գետում որսացել է 77,47 սանտիմետր երկարությամբ ձուկ, որը կշռում է 5,4 կիլոգրամ: Նրա տեսակի պատկանելությունը որոշ կասկածներ է հարուցում: NewYorkUpstate.com-ը նշում է, որ նա կարծես սպիտակ լոքոյի եւ ջրանցքային լոքոյի խառնուրդ լինի:

Նյու Յորքի նահանգում սպիտակ լոքո բռնելու նախորդ ռեկորդը սահմանվել էր 1998 թվականին, երբ Ջո Սիլիկատոն Նոր Կրոտոնի ջրամբարում 4,76 կիլոգրամանոց լոքո էր բռնել:

Ռեկորդից առաջ Բրոքեթը եւ նրա ընկերը երկու երեկո անընդմեջ լոքո էին բռնում՝ դրա վրա օրական ծախսելով երեքից չորս ժամ: «Ես մեծացել եմ Քոնեքթիքութում գծավոր պերկես որսալով»,- խոստովանել է նա: «Երբ ինձ հաջողվում է մեծ ձուկ կպցնել, նա ինձանից չի փախչի»:

Ավելի վաղ հաղորդվել էր, որ Անգլիայի Ֆելթհեմ քաղաքում ընտանեկան խանութի տերերը մշտական հաճախորդի համար 136 կիլոգրամ քաշով հսկա լոքո են բերել: Մեծահասակ տղամարդուց էլ ծանր ձուկը բարձրացնելու համար երեք-չորս մարդ է պահանջվել: