Ճապոնիայի ափերի մոտ 5800 կով տեղափոխող նավը վրա հասած թայֆունի պատճառով անհետացել է․ նավում անձնակազմի 43 անդամ է եղել (լուսանկարներ)

Ճապոնիայի ափերի մոտ անասուններ տեղափոխող ավստրալական նավ է անհետացել վրա հասած թայֆունի հետևանքով. նավում անձնակազմի 43 անդամ է եղել, գրում է Daily Mail պարբերականը։

Աղբուրը մանրամասնում է, որ նավում երկու ավստրալացի, երկու նորզելանդացի և 39 ֆիլիպինցի է եղել․ նավն տեղափոխել է 5800 գլուխ կով։

Նշվում է, որ Ճապոնիայի ափային պահպանության աշխատակիցներն այժմ նավի որոնողական աշխատանքներ են իրականացնում Արևելաչինական ծովում։ Աշխատակիցներին հաջողվել է անձնակազմի մեկ անդամի փրկել․ վերջինս ֆիլիպինցի է:

Հայտնի է, որ նավը Նոր Զելանդիան օգոստոսի 14-ին է լքել և այս հինգշաբթի արդեն պետք է հասներ Չինաստանի Թանգշան շրջանի Ցզինթան նավահանգիստ։