Տարվա ամենահիմար եւ ձախորդ կողոպտիչի հավակնորդը

Փենսիլվանիայի բնակիչը կարող է համարձակորեն հավակնել տարվա ամենահիմար ու ձախորդ կողոպտչի կոչմանը:

22-ամյա Նիկոլաս Մ. Մարկը աշխատանքի տեղավորվելու համար եկել է Փենսիլվանիա նահանգում գտնվող պիցցերիա: Նա լրացրել է դիմումը՝ նշելով իր բոլոր տվյալները, ապա որոշել է թալանել այն:

Հաղորդվում է, որ Մարկը Հյուսիսային Կատազաուկում գտնվող Pizza D’Oro-ից գողացել է թեյավճարների տարան եւ դանակով սպառնացել է իրեն հետապնդող աշխատակցին:

Իշխանությունները նրան լուրջ վնասվածքի սպառնալիքով կողոպուտի, գողության, զենք պահելու, սովորական հարձակման եւ թմրանյութերի պարագաներ պահելու մեղադրանք են ներկայացրել, հաղորդում է The Morning Call-ը:

Պիցցերիայի աշխատակցի խոսքերով՝ Մարկը նաեւ թողել է ուսապարկը, որում եղած մի քանի իրերի վրա նրա անունն է եղել, ինչպես նաեւ եղել են ներարկիչներ եւ թմրանյութերի օգտագործման այլ պարագաներ։

Մարկը ձերբակալվել է եւ այն բանից հետո, երբ չի կարողացել գրավ տրամադրել, հայտնվել է Նորթհեմփթոնի շրջանի բանտում: