ԱՀԿ-ում օրինակելի են համարում կորոնավիրուսի դեմ պայքարի Շվեդիայի ռազմավարությունը
Շվեդիայում կիրառված հակակորոնավիրուսային ռազմավարությունը, որն իրենից մեղմ սահմանափակումներ է ներկայացնում, պետք է օրինակելի լինի այլ երկրների համար: Այս մասին հայտարարել է Առողջապահության համաշխարհային կազմակերպության (ԱՀԿ) հատուկ բանագնաց, դոկտոր Դեյվիդ Նաբարոն, հայտնում է Magick ռադիոկայանը:
«Շվեդիայում կառավարությունը կարողացավ վստահել հասարակությանը, իսկ հասարակությունը՝ կառավարությանը»,- ասել է Նաբարոն:
Ըստ նրա, Շվեդիան վստահեց իր քաղաքացիներին և հրաժարվեց կարանտինային խիստ միջոցներ կիրառել, քանի որ դրանք մեծապես ազդում են մարդկանց եկամուտների վրա և վնասում փոքր բիզնեսին:
Ինչպես հաղորդվել է, շվեդական ընկերությունները երկրորդ եռամսյակում շուկայի սպասելիքները զգալիորեն գերազանցող եկամուտներ են գրանցել: Նման ցուցանիշները պայմանավորված են նրանով, որ Շվեդիան հրաժարվեց խիստ կարանտինից: Չնայած բացասական կանխատեսումներին, որոնց համաձայն տնտեսական փլուզում էր սպասվում, երկրի բիզնեսին հաջողվեց խուսափել զանգվածային սնանկացումներից: