Հիմա էլ բախումներ են Չեռնոգորիայում
Չեռնոգորիայի (Մոնտենեգրո) մայրաքաղաք Պոդգորիցայում բախումներ են տեղի ունեցել ընդդիմության և իշխող Սոցիալիստների դեմոկրատական կուսակցության կողմնակիցների միջև, երկու կողմերն էլ նշում էին ընտրություններում տարած հաղթանակը: Այս մասին գրում է «ՌԻԱ Նովոստի» գործակալությունը` հղում տալով Vijesti պորտալին:
Չեռնոգորիայում խորհրդարանական ընտրությունները տեղի են ունեցել օգոստոսի 30-ին: Ընտրական հանձնաժողովի նախնական տվյալների համաձայն` ավելի քան 30 տարվա ընթացքում առաջին անգամ ընդդիմությունն ավելի շատ ձայն է հավաքել, քան երկրի նախագահ Միլո Ջուկանովիչի գլխավորած իշխող Սոցիալիստների դեմոկրատական կուսակցությունը: Ընտրությունների օրինականությունը ճանաչել են ոչ կառավարական կազմակերպությունները, ԵԱՀԿ առաքելությունը, ԱՄՆ-ի և Մեծ Բրիտանիայի դեսպանությունները:
Երկուշաբթի երեկոյան մայրաքաղաքի փողոցներում մեքենաներով մարդիկ են հայտնվել, որոնք ձեռքերում պահել են Չեռնոգորիայի պատմական դրոշները, որոնք նման են սերբական և ռուսական եռագույններին:
«Այլևս չկա Միլոն, չկա Սոցիալիստների դեմոկրատական կուսակցությունը»,-բացականչել են ընդդիմության կողմնակիցները:
Ոստիկանությունը չի միջամտել ակցիային:
«Մի քանի մարդ վնասվածքներ է ստացել քաղաքի կենտրոնում ՍԴԿ-ի և ընդդիմադիր կոալիցիաների կողմնակիցների միջև բախումների ընթացքում, միմյանց վրա քարեր են նետվել: Կռիվը դադարեցրել է ոստիկանությունը, որը բաժանել է կողմերին»,-տեղեկացնում է աղբյուրը` հղում տալով իրավապահ մարմիններին:
Պորտալի տվյալներով` իշխող կուսակցության կողմնակիցները սրճարանում նշելիս են եղել, ըստ իրենց, տարած հաղթանակը, երբ կռիվ է բռնկվել մոտակայքով անցնող ընդդիմադիրների հետ: Տուժածների թիվն ու վնասվածքների բնույթը չի հստակեցվում:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Մարմնամարզության տղամարդկանց հավաքականը տուն է վերադառնում
Մադելին Շարաֆյանը «Օսկար»-ի մրցանակաբաշխությանը ներկայացել է հայ դիզայների զգեստով
Ղարաբաղից տեղահանվածները պետք է կապեն իրենց ապագան Հայաստանի հետ
Տնային պայմաններում խնամքի ծառայություններ՝ տարեց կամ հաշմանդամություն ունեցող անձանց․ ուր դիմել
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...
Ստեփանծմինդա-Լարս ավտոճանապարհը փակ է