Բեռլինում հակակորոնավիրուսային ցույցի մասնակիցները Պուտինին եւ Թրամփին աջակցող կարգախոսներով են եկել
Բեռլինում COVID-սահմանափակումների դեմ բողոքի ցույցը մինչ սկսվելը ցրվել է: Համապատասխան հրամանի մասին մայրաքաղաքի ոստիկանությունը ծանուցել է շաբաթ օրը, օգոստոսի 29-ին՝ Twitter-ում:
«Ցավոք, այլ տարբերակ չունենք՝ մենք դիմել ենք ցույցի կազմակերպչին եւ հայտնել ենք, որ հանդիպումը կցրվի ոստիկանության կողմից: Մինչ այժմ ձեռնարկված բոլոր միջոցառումները չեն հանգեցրել ցուցումների պահպանմանը»,- գրել է ոստիկանության լրատվական ծառայությունը: Նա պարզաբանել է, որ հավաքվածներին բազմիցս կոչ են արել պահպանել ինչպես սոցիալական հեռավորությունը, այնպես էլ դիմակային ռեժիմը:
Ցույցը պետք է սկսվեր տեղական ժամանակով ժամը 15։30-ին՝ Ունտեր դեն Լինդեն կենտրոնական ծառուղում: Այնուհետեւ մասնակիցները նախատեսում էին քայլել Friedrichstrasse-ով, քաղաքի կենտրոնով, մինչեւ Բրանդենբուրգյան դարպասներ, ապա դեպի Հաղթանակի սյուներ:
Ինչպես իրադարձությունների վայրից հայտնել է DW-ի թղթակիցը, միջոցառման մեկնարկից երկու ժամ առաջ արդեն հավաքվել է 15-30 հազար մարդ: Մինչդեռ, ըստ ոստիկանության գնահատականների, մինչեւ 12։48-ը Միտտե շրջանում հավաքվել է գրեթե 18 000 ցուցարար, եւ մարդիկ շարունակում էին անընդհատ գալ:
Ըստ DW-ի թղթակցի՝ ամբոխի մեջ տեսանելի են եղել Ռուսաստանի եւ ԱՄՆ-ի նախագահներ Վլադիմիր Պուտինի եւ Դոնալդ Թրամփի աջակցությամբ կարգախոսներով տասնյակ դրոշներ: «Վլադիմիր ու Դոնալդ, ազատեք մեզ»,- կարելի էր, օրինակ, կարդալ պաստառներից մեկի վրա, որը բռնել էին երկու դեռահասներ: Բացի այդ, եկածների մի մասը բերել է ԼԳԲՏ-ի ծիածանագույն դրոշներ: Մասնակիցների կազմը բավականին տարասեռ է եղել:
Նախկինում ցույցը արգելվել էր ոստիկանության կողմից, սակայն օգոստոսի 28-ին Բեռլինի դատարանը չեղյալ էր հայտարարել այդ արգելքը: Ցույցը կազմակերպվել է Շտուտգարտում գործող Querdenken-711 նախաձեռնության կողմից, որը հանդես է գալիս ի պաշտպանություն հիմնարար ազատությունների: Ըստ Berliner Morgenpost-ի՝ այն հիմնականում ներառում է դավադրության տեսությունների կողմնակիցների, աջ ծայրահեղականների եւ նոր կորոնավիրուսի գոյությունը հերքողների: Բեռլինը չպետք է վերածվի «դավադրության տեսությունների հավանական գաղափարախոսների հարթակի»,- այս կապակցությամբ ասել է Բեռլինի ներքին գործերի սենատոր Անդրեաս Գայզելը:
Նախորդ նմանատիպ երթը Գերմանիայի մայրաքաղաքում տեղի էր ունեցել օգոստոսի 1-ին: Այն ժամանակ բոլոր ցուցարարները առանց դիմակի են եղել եւ չեն պահպանել սոցիալական հեռավորության կանոնները:
SARS-CoV-2 կորոնավիրուսը, ըստ Worldometer- ի, արդեն հայտնաբերվել է մոլորակի ավելի քան 24,9 միլիոն բնակչի մոտ: Վարակների մեծ մասն ԱՄՆ-ում է (6 միլիոն), Բրազիլիայում (3,8 միլիոն) եւ Հնդկաստանում (3,4 միլիոն): Համավարակը խլել է շուրջ 842 000 մարդու կյանք: Գերմանիայում օգոստոսի 29-ի դրությամբ, վիրուսը հայտնաբերվել է 240 986 մարդու մոտ, մահացել է 9289 հիվանդ:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մադելին Շարաֆյանը «Օսկար»-ի մրցանակաբաշխությանը ներկայացել է հայ դիզայների զգեստով
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...
Պետական արգելոցի ֆոտոթակարդները կրկին նկարահանել են կովկասյան ընձառյուծին