TikTok-ն առաջին անգամ բացահայտել է ակտիվ օգտատերերի թվի վերաբերյալ տվյալները
TikTok հավելվածն իրեն արգելելու համար ԱՄՆ կառավարության դեմ դատական հայցում առաջին անգամ բացահայտել է ԱՄՆ-ում եւ ամբողջ աշխարհում ամսական ակտիվ օգտատերերի վերաբերյալ տվյալները, հայտնում է CNBC-ը:
TikTok-ի ամսական ակտիվ օգտատերերի թիվը 2018 թվականի հունվարից, երբ հավելվածից օգտվում էին մոտ 11 միլիոն ամերիկացիներ, աճել է գրեթե 800%-ով: Մոտ մեկ տարի անց այդ ցուցանիշը ավելի քան կրկնապատկվել է՝ հասնելով շուրջ 27 միլիոնի: Մինչեւ 2020 թվականի հունիսը, կարանտինից մի քանի ամիս հետո, Միացյալ Նահանգներում գործող TikTok- ի ակտիվ օգտատերերի ընդհանուր թիվը գերազանցել է 91 միլիոնը: Ինչպես ընկերությունը հայտնել է այս ամսվա սկզբին, ավելի քան 100 միլիոն ամերիկացիներ ակտիվ օգտատերեր են:
Ամբողջ աշխարհում TikTok-ն ունեցել է օգտատերերի թվերի նմանատիպ աճ: Ընկերությունից հայտնել են, որ մինչեւ 2018 թվականի հունվարը ամբողջ աշխարհում այն ուներ մոտավորապես 55 միլիոն օգտատեր: Այս թիվը մինչեւ 2018 թվականի դեկտեմբերն աճել է մինչեւ ավելի քան 271 միլիոն, իսկ մինչեւ 2019 թվականի դեկտեմբերը՝ մինչեւ 507 միլիոն:
Ընկերության երկրորդ եռամսյակի հաշվետվության համաձայն, TikTok-ը շարունակում է հետ մնալ Ֆեյսբուքից, որն ամբողջ աշխարհում ունի շուրջ 2,7 միլիարդ ակտիվ օգտատեր: