Ռոնալդուն ամուսնության առաջարկությո՞ւն է արել ընկերուհուն

Հանրահայտ ֆուտբոլիստ Կրիշտիանու Ռոնալդուի ընկերուհին՝ 26-ամյա Ջորջինա Ռոդրիգեսը, օրերս խորհրդավոր գրությամբ լուսանկար է հրապարակել՝ առաջացնելով երկրպագուների հետաքրքրությունը, գրում է Daily Mail-ը։

Շաբաթ 26-ամյա Ջորջինա Ռոդրիգեսը, որն այս օրերին Կրիշտիանու Ռոնալդուի հետ իր հանգիստն է վայելում Ֆրանսիայի հարավում՝ Սեն Տրոպե նավահանգստային քաղաքում, հայտնի ֆուտբոլիստի հետ Instagram-ում սիրառատ լուսանկար է հրապարակել։

«Այո՜»,- լուսանկարին կից գրել է Ռոդրիգեսը, որում ֆուտբոլիստը փակում է ընկերուհու մատնեմատը։

Լողափին արված լուսանկարում 26-ամյա Ռոդրիգեսը կարմիր զգեստով և երեկոյան դիմահարդարմամբ է։

Լուսանկարի հրապարակումից հետո մի շարք երկրպագուներ շտապել են ենթադրել, որ ֆուտբոլիստը ամուսնության առաջարություն է արել Ռոդրիգեսին։

Նշենք, որ զույգը Սեն Տրոպե նավահանգստային քաղաքում է 10-ամյա Կրիշտիանու կրտսերի, 3-ամյա երկվորյակների՝ Եվայի և Մատեոյի, ինչպես նաև իրենց համատեղ դստեր՝ Ալանայի հետ։