Զույգը սեքսով զբաղվելու ժամանակ պատահաբար հայտնվել է ուղիղ եթերում
Բրազիլիայի Ռիո դե Ժանեյրո քաղաքում զույգը սեքսով զբաղվելու ժամանակ պատահաբար հայտնվել է Zoom-ով ընթացող առցանց համաժողովի ուղիղ եթերում: Այս մասին հաղորդում է Metro պարբերականը:
Քաղաքային խորհուրդը Zoom հարթակում հանդիպում է կազմակերպել՝ COVID-19-ի համավարակի պայմաներում դպրոցական սնունդը քննարկելու համար: Ինչ-որ պահի մասնակիցներից մեկը որոշել է լքել վեբինարը՝ մոռանալով անջատել տեսախցիկը: Արդյունքում, մասնակիցները նրա ինտիմ հարաբերության ականատեսն են դարձել:
Նշվում է, որ առցանց հանդիպման ժամանակ սեքսով զբաղվող տղամարդը քաղխորհրդի աշխատակից է: Նրա անունը չի բացահայտվել:
Չնայած կատարվածին, խորհրդի յոթ անդամներն արհեստավարժություն են ցուցաբերել և շարունակել քննարկումները: Համաժողովը շարունակվել է ևս չորս ժամ: Սակայն հայտնի չէ, արդյո՞ք պատժվել է միջադեպի մեղավորը: