Թույն կամ թույնի հետքեր Ալեքսեյ Նավալնու արյան եւ մեզի մեջ չեն հայտնաբերվել
Թույն կամ թույնի հետքեր Ալեքսեյ Նավալնու արյան եւ մեզի մեջ չեն հայտնաբերվել: Այս մասին հայտնել է Օմսկի թիվ 1 շտապ բուժօգնության հիվանդանոցի գլխավոր բժշկի տեղակալ ԱՆատոլի Կալինիչենկոն, հաղորդում է «ՌԻԱ նովոստի»-ն:
Նրա խոսքով՝ լրիվ ախտորոշումը գրեթե հայտնի է, սակայն դա հրապարակել չի կարելի:
«Մենք այժմ խոսում ենք թունավորման տարբեր հնարավորությունների մասին: Այսօր անցկացված հետազոտություններից պարզ է դարձել, որ արյան կամ մեզի մեջ թույն կամ թույնի հետքեր չեն հայտնաբերվել: Այդ պատճառով այժմ «թունավորում» ախտորոշումը, թեեւ մնում է մեր գիտակցության մեջ, սակայն մենք չենք կարծում, որ պացիենտը թունավորում է տարել»,-հստակեցրել է նա:
Օմսկի եւ Մոսկվայի մասնագետները շարունակում են հետազոտություններ անցկացնել: Իրավիճակը պարզելու համար եւս 2 օր է պետք:
Ընդ որում, Նավալնու հիմնադրամի տնօրեն Իվան Ժդանովը հայտարարել է, որ անալիզները թույն են հայտնաբերել, որը սպառնալիք է ոչ միայն պացիենտի, այլ նաեւ նրան շրջապատող մարդկանց համար: