Մաֆիայի պարագլուխ Լոթու Գուլին սպանվել է Թուրքիայում
Ադրբեջանցի քրեական հեղինակություն Նադիր Սալիֆովին, որը հայտնի է Լոթու Գուլի անունով, սպանել են Անթալիայի ռեստորաններից մեկում: Այս մասին տեղեկացնում է РИА «Новости» գործակալությունը, հղում անելով Բաքվի իրավապահ մարմիններին:
Մաֆիայի առաջնորդին սպանել են ատրճանակից: Հայտնի է նաեւ, որ նրան գնդակահարել է սեղանի շուրջ նստած տղամարդկանցից մեկը:
Լոթու Գուլին վիրավորվել է գլխից եւ հիվանդանոցի ճանապարհին մահացել:
Մարդասպանին ձերբակալել են Դենիզլի տանող ճանապարհին:
Պարզվել է, որ սպանության հեղինակը Գուլիի նեղ շրջապատի անդամ, քրեական աշխարհի ներկայացուցիչ Խան Ախմեդլինսկին:
Նախկինում Լոթու Գուլիի անունը կապվում է մի շարք աղմկոտ սպանությունների հետ: Նա 48 տարեկան էր:
Top-News.am