ԵԱՏՄ արդյունաբերական քաղաքականության խորհրդի նիստը տեղի կունենա աշնանը
Եվրասիական տնտեսական միության արդյունաբերական քաղաքականության խորհրդի հերթական նիստը տեղի կունենա աշնանը: Ինչպես հաղորդում է Եվրասիական տնտեսական հանձնաժողովի մամուլի ծառայությունը, որոշումը կայացվել է ԵՏՀ արդյունաբերության եւ ագրոարդյունաբերական համալիրի հարցերով կոլեգիայի անդամ (նախարար) Արտակ Քամալյանի եւ Ռուսաստանի արդյունաբերության եւ առեւտրի նախարար Դենիս Մանտուրովի հանդիպման արդյունքներով:
Կողմերը քննարկել են ԵԱՏՄ-ում միջպետական ծրագրերի եւ նախագծերի իրականացումը, ժամանակակից թվային եւ նորարարական արդյունաբերական ենթակառուցվածքի ստեղծումը, ներմուծման փոխարինման նախագծերը: Հաստատվել է արդյունաբերության մեջ միջնաժամկետ ժամանակահատվածում նոր ռազմավարական փաստաթղթի՝ մինչեւ 2025 թվականը արդյունաբերական համագործակցության հիմնական ուղղությունների ընդունման կարեւորությունը:
«Փաստաթղթով մենք չորս հիմնական ռազմավարական առաջնահերթություններ ենք դնում ԵԱՏՄ-ում՝ արդյունաբերական արտադրանքի ընդհանուր շուկայի ներուժի առավելագույն ներգրավում, համատեղ աշխատանք արտահանման շուկաներում, արդյունաբերական ինտեգրման խորացում, նորարարական համագործակցություն եւ արդյունաբերության թվայնացում»,-ասել է Արտակ Քամալյանը:
Հանդիպմանը քննարկվել է նաեւ Եվրասիական տնտեսական միության ինդուստրացման քարտեզի իրականացման ընթացքը, որը կդառնա ներմուծման փոխարինման հարցերով անդամ պետությունների գործողությունների համակարգման գործիք: Ենթադրվում է, որ ինդուստրացման քարտեզը կարտացոլի անդամ պետությունների արտադրողների ներմուծման փոխարինող տեխնոլոգիական ուղղությունները, արդեն իսկ ձեւավորված արդյունաբերական նախագծերը եւ ԵԱՏՄ-ում կոոպերացիոն կապերը: Դա երկրներին թույլ կտա խուսափել կրկնօրինակ արտադրություններ միությունում կազմակերպելուց եւ զարգացնել անդամ պետությունների արտադրողների ճյուղային մասնագիտացումը։ Այժմ քարտեզն արդեն ներառում է շուրջ 180 խոշոր նախագծեր՝ 200 մլրդ դոլարի ներդրումների ծավալով։
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մարմնամարզության տղամարդկանց հավաքականը տուն է վերադառնում
Ղարաբաղից տեղահանվածները պետք է կապեն իրենց ապագան Հայաստանի հետ
Արսեն Զախարյանի տրանսֆերային արժեքն աճել է
Պետական արգելոցի ֆոտոթակարդները կրկին նկարահանել են կովկասյան ընձառյուծին
Ստեփանծմինդա-Լարս ավտոճանապարհը փակ է
Տնային պայմաններում խնամքի ծառայություններ՝ տարեց կամ հաշմանդամություն ունեցող անձանց․ ուր դիմել