Բելառուսի կառավարությունը սահմանադրության պահանջով հրաժարական է տվել
Բելառուսի կառավարությունը հրաժարական է տվել, ինչպես նախատեսված էր կառավարության օգոստոսի 15-ի թիվ 480 որոշմամբ, որի համաձայն նոր ընտրված նախագահի առաջ կառավարությունը ներկայացնում է իր հրաժարականը։
Ավելի վաղ, հաղորդվել էր, որ Ալեքսանդր Լուկաշենկոն հանձնարարել է օպերատիվ կերպով պատրաստել կառավարության հետագա աշխատանքների համար նախատեսված փաստաթղթերը։ Նա նաեւ ասել է, որ հիմնականում նոր կառավարության կազմը ձեւավորված է, սակայն ինչ որ նյուանսներ կլինեն։