Տիխանովսկայայի շտաբը պատրաստ է քննարկել Բելառուսի իշխանությունների հետ Լուկաշենկոյի հրաժարականը
Ողջունում ենք գործադուլը, համերաշխ ենք ժողովրդի պահանջներին, ասվում է Սվետլանա Տիխանովսկայայի շտաբի ուղերձում, հաղորդում է Sputnik-Բելառուս-ը։
Քաղաքական գործչի թիմը նշում է, որ բելառուսցի պաշտոնյաների եւ պետական լրագրողների շրջանում կան բարեկիրթ մարդիկ, որոնք պատրաստ են ազնիվ խոսել այն մասին, թե ինչ է կատարվում երկրում։
«Շնորհակալություն պետական մեդիայի բոլոր լրագրողներին, որոնք դուրս են եկել եւ չեն վախեցել ասել ճշմարտությունը։ Շնորհակալություն Բելտելեռադիո ընկերությանը, որոնք պատրաստ են միանալ գործադուլին»,-ասել է Տիխանովսկայայի շտաբը։
Ընդ որում՝ նրանք կոչ են արել չվախենալ եւ հայտարարել են, որ սատարում են բելառուսական հեռուստատեսության յուրաքանչյուր աշխատակցին, որը որոշել է միանալ գործադուլին։
«Մենք պատրաստ ենք խոսել իշխանությունների հետ այն մասին, թե ինչպես եւ երբ Լուկաշենկոն հրաժարական կտա»,-ասվում է հայտարարության մեջ։
Ընդ որում՝ շտաբում դիմել են բոլոր աշխատանքային կոլեկտիվներին՝ կոչ անելով միանալ անժամկետ գործադուլին՝ պահանջելով․
• անհապաղ եւ առանց նախապայմանների ազատել բոլոր քաղբանտարկյալներին եւ բերման ենթարկվածներին;
• քաղաքներից դուրս բերել զորքերն ու հատուկջոկատայիններին;
• պատասխանատվության ենթարկել ուժայիններին եւ մարդկանց, որոնք հրաման են տվել ծեծել, կրակել եւ խոշտանգել խաղաղ քաղաքացիներին;
• սկսել բանակցություններ իշխանությունն անցնցում փոխանցելու շուրջ։
Այսօր Մինսկի կենտրոնում անցկացվում է զանգվածային հանրահավաք՝ ի աջակցություն գործող իշխանության, որի հետ միաժամանակ ընթանում են բողոքի ակցիաներ։
Վթարային ջրանջատում Երևանի Էրեբունի վարչական շրջանում
65+ տարիքային սահմանափակումը վերացվեց, մեր հազարավոր քաղաքացիներ կկարողանան շարունակել իրենց աշխատան...
Երևանում և Արմավիրի մարզում լցակայանների և ավտոտեխսպասարկման կետի գործունեություն է դադարեցվել
ՀՌՀ-ն և ԵԽ-ն համատեղ աշխատաժողով անցկացրեցին տեսալսողական մեդիածառայություն մատուցողների համար
«Զովետի» ՍՊ-ում հայտնաբերվել է վտանգավոր կաթնամթերք, արտադրությունը կասեցվել է
ՀՀ տարածքում ավտոճանապարհները հիմնականում անցանելի են
ՀՀ ԱԺ ութերորդ գումարման տասնմեկերորդ նստաշրջանի հերթական նիստ
Հայաստանում այսօրվանից մեկնարկել է խորհրդարանական ընտրությունների քարոզարշավը
Համբերատար սպասում եմ, մինչեւ ԵՄ-ն կատարի պատմական առեւտրային համաձայնագրով նախատեսված իր մասը
Տավուշի մարզում անցկացվել են հատուկ տակտիկական ուսումնավարժություններ