Ռուսաստանում նահանգապետի անչափահաս դուստրը երկու անգամ ավելի շատ եկամուտ է հայտարարագրել, քան հայրը

Ռուսաստանում, 2019 թվականի տվյալներով, Ռյազանի նահանգապետ Նիկոլայ Լյուբիմովի անչափահաս դուստրը 10 միլիոն ռուբլու եկամուտ է հայտարարագրել, ինչը կրկնակի ավելի է հոր եկամտից: Այս մասին տեղեկացնում է «ՌԻԱ Նովոստի» գործակալությունը` հղում տալով մարզի կառավարության կայքում հրապարակված տվյալներին:

Լյուբիմովը հայտարարագրել է 4,3 միլիոն ռուբլի եկամուտ: Փաստաթղթի համաձայն` նա ոչ բնակարան ունի, ոչ մեքենա: Մարզի ղեկավարի օգտագործման ենթակայության տակ է 205,1 քառակուսի մետր մակերեսով բնակարան: Նրա կինն օգտվում է նույն բնակարանից, հանդիսանում է 92 քառակուսի մետր մակերեսով բնակարանի սեփականատեր և 70,6 քառակուսի մետր մակերեսով բնակարանի համասեփականատեր: Նա ունի նաև Audi Q7 ավտոմեքենա, նրա եկամուտները 2019 թվականին կազմել են 1,8 միլիոն ռուբլի:

Ընտանիքում տարեկան ամենամեծ եկամուտը հայտարարագրել է նահանգապետի անչափահաս դուստրը` 10 միլիոն ռուբլի: Նա օգտվում է նույն բնակարանից, ինչ ծնողները, ինչպես նաև ևս երկու բնակարանից` 92 և 127,7 քառակուսի մետր մակերեսներով: Նրա ենթակայության տակ է նաև 2,2 քառակուսի մետր մակերեսով մառան և 16,7 քառակուսի մետր մակերեսով ավտոկայանատեղի, միևնույն ժամանակ աղջիկը մեքենա չունի:

«Ոչ բնակելի շինությունը (տնտեսական պահեստ), կայանատեղին ձեռք են բերվել եկամուտներով, որոնք ստացվել են անշարժ գույքի վաճառքից և հոր` 2018 թվականի խնայողություններից»,-ասված է փաստաթղթում: