Բելառուս նախկին հատուկ ջոկատայիններն աղբն են նետում իրենց համազգեստը. ԶԼՄ-ներ
Մի քանի մարդ, ով պնդում է, որ ծառայել է Բելառուսի ուժային կառույցներում, տեսանյութ են ձայնագրել, որոնցում իրենց համազգեստն աղբն են նետում: Կադրերը հրապարակվել են Instagram-ի իրենց էջերին, փոխանցում է «ՌԻԱ Նովոստի»-ն:
Եվգենի Նովիցկին` Մինսկի Լոգոյսկ արբանյակ քաղաքից, Instagram-ում տեսանյութ էր տեղադրել, որում նրա եղբայրն ասում է, որ չի կարող հպարտանալ նրանով, թե որտեղ է ծառայել եւ չի կարող պահել հատուկ ջոկատայինի համազգեստը, ինչից հետո նետում է այն աղբը:
Արտյոմ Բելինովիչը հայտարարում է, որ «հատուկ ջոկատայինների բելառուսական եղբայրություն Բելառուսում այլեւս չկա», ինչից հետո աղբամանի մեջ է նետում բերետը: в/ч 3214 հեշթեգով (Բելառուսի ՆԳՆ ներքին զորքերի հատուկ նշանակության զորքերի զորամասի համարը - խմբ.) տեսագրությունը նա եւս հրապարակել էր Instagram-ում: Շուտով այս տեսանյութը հայտնվեց նաեւ Youtube-ում:
Բելառուսում բողոքի ցույցերը սկսվել էին նախագահական ընտրությունների արդյունքների հրապարակումից հետո: Ըստ ԿԸՀ-ի` գործող նախագահ Ալեքսանդր Լուկաշենկոն հավաքել է ձայների 80.08 տոկոսը, Սվետլանա Տիխանովսկայան` 10.09 տոկոսը:
Ընտրատեղամասերի փակումից հետո քաղաքացիները, քվեարկության կազմակերպումից եւ արդյունքներից դժգոհ, դուրս եկան փողոց: Զանգվածային չարտոնված բողոքի ցույցերը շարունակվում են արդեն չորս օր: Ցուցարարների դեմ իրավապահներն արցունքաբեր գազ, ջրցաններ, լուսաձայնային նռնակներ, ռետինե փամփուշտներ են կիրառում: Ինչպես հայտնել են հանրապետության ներքին գործերի նախարարությունից, անկարգությունների ընթացքում մի մարդ է մահացել, նա փորձում էր անհայտ պայթուցիկ սարք նետել իրավապահների ուղղությամբ:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Արսեն Զախարյանի տրանսֆերային արժեքն աճել է
Ստեփանծմինդա-Լարս ավտոճանապարհը փակ է
Պետական արգելոցի ֆոտոթակարդները կրկին նկարահանել են կովկասյան ընձառյուծին
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...