Իրկուտսկում բռնաբարությունների թիվը կիտրուկ աճել է
Իրկուտսկի մարզի իրավապահները ցավով նշում են, որ վերջին երկու ամսվա ընթացքում կտրուկ աճել է բռնաբարությունների թիվը եւ դա բացատրում են տուժողների հարբած լինելու պատճառով:
Մասնագետները նշում են, որ կարանտինային իրավիճակում կանայք, հատկապես երիտասարդ կանայք սկսել են ավելի շատ հարբել: Նման միտում նկատվում է փոքրիկ քաղաքներում եւ գյուղերում:
Մասնավորապես, նախօրեին Զիմա ավանում 23-ամյա կնոջը բռնաբարել են նրա ամուսնու երկու ընկերները, երբ միասին հարբել են: Տատյանայի ամուսինը այնքան է հարբել, որ քնել է, իսկ նրա ընկերները որոշել են զվարճանալ:
Կինը ոստիկանություն դիմել է միայն հաջորդ օրը, երբ սթափվելով հասկացել է, թե ինչ է եղել: Տղամարդիկ, որոնց արդեն ձերբակալել են, նշել են, թե ամեն ինչ եղել է փոխադարձ համաձայնությամբ:
Տատյանան, սակայն, նշում է, որ օգտվել են իր անօգնական լինելուց եւ անգամ սպառնացել են:
Top-News.am