Բելառուսում ընտրություններից չորս օր առաջ արտահերթ քվեարկել է ընտրողների 32.24 տոկոսը

Բելառուսում կայացած նախագահական ընտրություններում չորս օր շուտ կայացած արտահերթ քվեարկության արդյունքներով մասնակցությունը 3224 տոկոս է կազմել: Այս տվյալները հրապարակվել են շաբաթ օրը հանրապետության Կենտրոնական ընտրական հանձնաժողովի կայքում:

Ամենաբարձր մասնակցությունը գրանցվել է Գոմելի շրջանում, որտեղ քվեարկել է ցուցակներում ընդգրկված ընտրողների 42.72 տոկոսը, ամենացածրը` Մինսկում` 26.45 տոկոս, Վիտեբսկի մարզում քվեարկել է 30.86 տոկոս, Բրեստի մարզում` 30.11 տոկոս, Մինսկի մարզում` 29.09 տոկոս, Մոգիլեւի մարզում` 37.88%, Գրոդնոյի մարզում` 30.02 տոկոս, նշվում է ԿԸՀ-ի հաղորդագրության մեջ:

Բելառուսում նախագահական ընտրություններին արտահերթ քվեարկությունը սկսվել էր օգոստոսի 4-ին եւ կտեւի մինչեւ օգոստոսի 8-ը: Ընտրատեղամասերը բաց են 10:00-ից 14:00 եւ 16:00-ից 19:00-ն: Կարող է քվեարկել ցուցակներում ընդգրկված յուրաքանչյուր ընտրող: Հիմնական քվեարկության օրը` օգոստոսի 9-ին, ընտրատեղամաս գալու անկարողության պատճառների հաստատումը չի պահանջվում:

Ըստ ԿԸՀ-ի` Բելառուսում գրանցվել է ընդհանուր ավելի քան 6.8 միլիոն ընտրող: Քվերակությունն ընթանում է ավելի քան 5.5 ընտրատեղամասում, այդ թվում` 44 ընտատեղամաս արտերկրում: Ռուսաստանում կարելի է քվեարկել Բելառուսի դիվանագիտական ​​ներկայացուցչություններում ՝ Մոսկվայում, Սանկտ Պետերբուրգում եւ Կալինինգրադում:

Բելառուսի նախագահի պաշտոնում առաջադրվել են պետության ներկայիս ղեկավար Ալեքսանդր Լուկաշենկոն, «Ճիշտն ասա» հասարակական շարժման համանախագահ Անդրեյ Դմիտրիեւը, խորհրդարանի ստորին պալատի նախկին պատգամավոր Աննա Կանոպացկայան, տնային տնտեսուհի Սվետլանա Տիխանովսկայան եւ բելառուսական «Սոցիալ-դեմոկրատական ​​Հրամադա կուսակցության» նախագահ Սերգեյ Չերեչենը:

Ընտրությունները համարվում են կայացած, եթե դրանց մասնակցել է ցուցակներում ընդգրկված ընտրողների ընտրողների ավելի քան 50 տոկոսը: Նախագահը համարվում է ընտրված, եթե նրա օգտին քվեարկել է քվեարկությանը մասնակցած քաղաքացիների կեսից ավելին:

Նախորդ նախագահական ընտրություններին, որոնք կայացել են 2015-ին, հինգ օր առաջ արտահերթ քվեարկել է ընտրողների 36.05 տոկոսը, որոնց ընդհանուր մասնակցությունը 87.22 տոկոս էր կազմել: Լուկաշենկոյի օգտին իրենց ձայները տվել էր ընտրողների 83.5 տոկոսը: