Դիզայներական պայուսակները դարձել են կողոպտիչների խմբի սիրելի թիրախը
Դիզայներական պայուսակները սիրելի թիրախ են դարձել կողոպտիչների խմբի համար, ովքեր հարուստների եւ հայտնիների տներից գողացել են ավելի քան 500 000 ֆունտ սթեռլինգ արժողությամբ շքեղ ապրանքներ, հայտնում է AP-ը:
Լիվերպուլից Թոմաս Մեյը, Վինսենթ Բալը եւ Ջոն Բարլոուն ազատազրկման են ենթարկվել տներ թալանելու կազմակերպված հանցավորության համար։ Նրանք կողոպտել են նաեւ «Մանչեսթեր Սիթիի» ֆուտբոլիստ Ռահեմ Սթերլինգին եւ Jamiroquai-ի երգիչ Ջեյ Քեյին:
Գողերի նպատակը եղել են զարդերը, ժամացույցները եւ թանկարժեք պայուսակները:
Ոստիկանները հայտնաբերել են պայուսակների լուսանկարներ այնպիսի դիզայներներից, ինչպիսիք են Chanel-ը, Louis Vuitton-ը եւ Yves Saint Laurent-ը: