Ռուսաստանի ադրբեջանցիները սպառնալիքներ են ստացել հայերի վրա հարձակվելուց հրաժարվելու համար
Ռուսաստանի որոշ ադրբեջանցիներ ասում են, որ սպառնալիքներ են ստացել հայերի վրա հարձակվելուց հրաժարվելու համար: Այս մասին NEWS.am-ի հետ զրույցում ասաց Ռուսաստանի հայերի միության փոխնախագահ Գերման Անանյանցը:
Նրա խոսքով՝ Ռուսաստանի ադրբեջանցիները նման սպառնալիքներ են ստացել Ադրբեջանի ղեկավարությունից: «Դա վկայում է հայերի վրա հարձակումների կազմակերպված բնույթի մասին: Հայերի վրա նոր հարձակումների, հակահայկական ակցիաների կամ էլ բիզնեսին ու առեւտրին խոչընդոտելու մասին որեւէ տեղեկություն չկա: Սակայն ակնհայտ է, որ մեզ մշտապես փորձում են ներքաշել ինչ-որ պրոցեսների մեջ: Այդ պատճառով մեր հայրենակիցներին կոչ ենք անում չտրվել սադրանքներին եւ վրժեխնդրության որեւէ ակտ չկատարել»,-ասաց նա:
Նշենք, որ հուլիսին հայ-ադրբեջանական սահմանին ռազմական էսկալացիայից հետո տարբեր երկրներում, այդ թվում Ռուսաստանում, հայերի եւ ադրբեջանցիների միջեւ բախումներ տեղի ունեցան:
Այդ ֆոնին Մոսկվայում ադրբեջանցիներին պատկանող «Ֆուդ Սիթի» շուկայում հրաժարվեցին հայկական գյուղատնտեսական արտադրանքից, իսկ «Կրոկուս» առեւտրի կենտրոններից, որոնք եւս պատկանում են ադրբեջանցիներին, հանվեցին հայկական բոլոր ապրանքները: Այժմ նման խոչընդոտներ այլեւս չկան:
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Կարևոր է, որ հայության ներկայացուցիչներն իրենց նույնականացնեն ՀՀ-ի հետ
Էլեկտրաէներգիայի ընդհատումներ կլինեն Երևանում և մարզերում․ հասցեներ
Սիթի ՍՊ ընկերության մի քանի աղցանի արտադրությունը կասեցվել է
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Մելանշոնը հավանական առաջատար թեկնածուներից մեկն է
Ամերիկան պատմության մեջ հսկայական քայլ հետ կատարեց
Դավիթ Թադևոսյանը մրցանակներ է հանձնել Միկրոէլեկտրոնիկայի ամենամյա միջազգային օլիմպիադայի հաղթողներին