Հարյուրավոր մարդիկ ողջ աշխարհում կասկածելի սերմերով փաթեթներ են ստացել Չինաստանից
ԱՄՆ-ի, Կանադայի, Նոր Զելանդիայի, Մեծ Բրիտանիայի և մի քանի այլ երկրների հարյուրավոր բնակիչներ փոստով կասկածելի սերմերով փաթեթներ են ստացել, որոնք ուղարկվել են Չինաստանից:
Ինչպես հաղորդում է The Guardian-ը, մարդիկ ոչ մեծ թափանցիկ փաթեթներ են ստացել, որոնցում սպիտակ և սև սերմեր են եղել: Նոր Զելանդիա ուղարկված ծանրոցներից մեկի վրա նշված է եղել, որ պարունակությունը խաղալիք է, որն ուղարկվել է Զամբիայից: Աղբյուրը ենթադրում է, որ այդպիսով ուղարկողները փորձել են խուսափել մաքսատան հետ հնարավոր խնդիրներից: Փաթեթների վրա չինական փոստային ինդեքսներով թղթեր են փակցված եղել:
Հաղորդվում է, որ միայն Ֆլորիդայում նման ծանրոցներ են ստացել ավելի քան 600 բնակիչներ, ի դեպ ամերիկացիներից մեկը նման փաթեթ է ստացել մեկ շաբաթվա մեջ երեք անգամ:
ԱՄՆ գյուղատնտեսության նախարարությունից խորհուրդ են տվել չցանել այդ սերմերն ու ոչնչացնել դրանք: Թեև Տեխասի բնակչուհիներից մեկը հայտնել է, որ ցանել է իրեն ուղարկված սերմերը՝ մտածելով որ այն նվեր է, սակայն ոչինչ չի աճել:
ԱՄՆ-ն և Մեծ Բրիտանիան համատեղ հետաքննություն են սկսել: Վարկած կա, որ սերմերը պատահական հասցեներով ուղարկում են չինական առցանց խանութների տերերը՝ իրենց վարկանիշը բարձրացնելու համար:
Չինաստանի իշխանություններն, իրենց հերթին, հայտարարել են, որ փոստային տվյալները կեղծված են և ԱՄՆ փոստային ծառայությանը խնդրել են իրենց փոխանցել ծանրոցները սեփական հետաքննություն վարելու համար:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Պետական արգելոցի ֆոտոթակարդները կրկին նկարահանել են կովկասյան ընձառյուծին
Ստեփանծմինդա-Լարս ավտոճանապարհը փակ է
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...