Թրամփը չի բացառել TikTok-ն արգելափակելու հավանականությունը
ԱՄՆ նախագահ Դոնալդ Թրամփը դիտարկում է բազմաթիվ տարբերակներ չինական ByteDance ընկերության TikTok տեսահավելվածի հարցում, ընդհուպ մինչեւ արգելափակում։
«Մենք ուսումնասիրում ենք TikTok-ը։ Հնարավոր է՝ մենք արգելենք այդ հավելվածը, սակայն չեն բացառվում նաեւ այլ լուծումներ»,-ասել է Թրամփը՝ հավելելով, որ «կա մի քանի տարբերակ»։
Reuters-ի աղբյուրները տեղեկացրել են, որ Միացյալ Նահանգները պատրաստվում է միջոցներ ձեռնարկել TikTok-ի նկատմամբ անձնական տվյալների անվտանգության հարցում մտավախությունների ֆոնին։